Навигация

Ақпарат

Баннеры

Негізгі » "Рухани жаңғыру" бағдарламасы » Туған жер » Ақпарат толқыны

Ақпарат толқыны

4. «Ақпарат толқыны» кіші бағдарламасы
 

Сырғанақта бір ғажап

Қыста қызықты сәттер көп болады.айнала аппақ қар, балалардың шулаған дауысы, қыстың сыйлар қызығы да аз емес. Әсіресе, қарда шана, мұзда коньки тебуге балалар әуес. Ақ кірпік аязбен бірге құшағын айқара ашатын қаладағы мұзайдындар қыс бойы балалардың сүйікті орнына айналады. 
Балаларды қыста бос уақытын пайдалы спорттық ойындармен өткізіп, салауатты өмір салтына бейімдеу мақсатында қаламыздағы шағынаудандарда мұзайдын алаңдарын ашуға арнайы орындар қарастырылған. 
Қазір Орталық саябақта, Мәдениет үйінің саябағында, Жеңіс көшесіндегі және «Достық» шағын ауданындағы балаларға арналған аулалық спорт алаңында шағын мұзайдын жұмыс істеп тұр. Мұз айдындарда балалардың конькиді жалға алып немесе өз конькиімен сырғанақ тебуіне болады.

 

20-21 қаңтар аралығында Қаскелең қаласында Киокушинкай каратеден өткен Алматы облыстық чемпионатында текелілік спортшылар 9 медаль иеленді. Данелия Акатаева, Әсемай Акранбек, Жалғас Қадырбеков, Нұрлан Қапас, Өркен Құдайберген, Артур Кан жеңімпаз атанып, алтын медаль иеленді. Никита Даренский күміс медаль, Елена Дубровина мен Рифхат Кадырбеков қола медаль тақты.
 

 

Егемендіктің берік негізі
 
Мемлекеттік рәміздер – халқымыздың рухын көтеріп, жүрегімізде мақтаныш сезімін орнататын қасиетті де қастерлі елдік нышан. Асқақ сезімнің астарында қазақ елінің ғасырлар бойғы арман-мұраты, қаһармандылығы мен даналығы, ұлттық рухы мен жігері, рухани мұрасы жатыр.
Ұлттық нышандарымыз еліміздің тарихи таңбасы іспетті. «Шаңырағың биік, керегең кең болсын» нақылын басшылыққа алған еңселі Елтаңба алыстан көз тартады. Желбіреген көгілдір түсті байрағымыз мәңгілік еліміздің арманын асқақтатып тұрғандай, нұрлы күннің астында қанат қаққан қыран бүркіт бейбітшілік пен баянды өмірдің белгісіндей. Мыңдаған жылдар бойғы тарихты өн бойына жиған асқақ Гимніміз – мемлекеттің айнасы.
Тәуелсіз Қазақстанның Мемлекеттік Туы, Елтаңбасы, Гимні ресми түрде 1992 жылы 4 маусымда қабылданды. Бұл күн тарихымызда алтын әріптермен жазылды. Себебі, әрқайсымыздың жүрегімізде Отанға деген сүйіспеншілікті, елге деген мақтаныш сезімдерді оятуда ұлттық рәміздердің орны ерекше. Қазақстан Республикасы Конституциясының 34-бабында: «Әркім Республиканың Мемлекеттік рәміздерін құрметтеуге міндетті» деп нақты көрсетілген. Баға жетпес құндылықтарымызға деген ерекше құрметті қалыптастыру, жас ұрпақтың санасына патриоттық сезімді сіңіру, ұлтжандылыққа тәрбиелеу қоғамның әр мүшесінің перзенттік парызы екенін естен шығармауы абзал. «Жаста берген тәрбие тал шыбықты игендей» дегендей, отбасы, мектеп, қоғам болып бірігіп, тәрбиенің тал бесігіне айналуы керек-ақ. Мемлекеттік рәміздерге құрмет көрсету бала тәрбиесінің алтын қазығы, оның ұшқан ұясы –отбасынан бастау алғаны маңызды.
Ұлан-ғайыр атырап, әлемде жер көлемі бойынша тоғызыншы орынға ие қасиетті мекеніміздің мәңгілік иелері болуы үшін өскелең ұрпақ Елбасының «Болашаққа бағдар: рухани жаңғыру» бағдарламасында айтылғандай, ұлтжандылық, прагматизм, бәсекеге қабілеттілік, көшбасшы қасиеттерін дамытып, заман талабына сай білімді де білікті азамат болуға талпынулары тиіс.
Жас болса да қарымды адыммен дамып келе жатқан егемен еліміздің жалынды жастарының әрқайсысы нағыз патриот болғанда ғана мәңгілік елді аңсаған ата-баба арманы толық орындалады деп білеміз.

 

«Гүлдер әлемінен» жүлде

Алматы қаласында өткен халықаралық «Гүлдер әлемі» байқауына қатысқан Балалар шығармашылығы орталығының оқушылары жақсы нәтижелерге қол жеткізді.

Жас буын суретшілердің дарынын саралап, өнер өлкесіндегі қадамына өріс ашуды мақсат еткен байқаудың бас жүлдесін Алина Ахметзянова қанжығаға байлады. Ксения Звягина, Михаил Сибирев, Каролина Лысенко, Даниял Жылқыбаев, Аиша Нұпбай 1-орын, Альбина Азаматқызы, Назар Қайратхан, Жансая Әбді-мүтәліп 2-орын, Алина Хан, Мадина Жұмағазиева, Дана Берікбол, Ержан Орынбаев 3-орын жүлдесін еншіледі. Сонымен бірге, тағы 15 оқу-шы байқау сертификаттарын иеленді.

Шәкірттері өнер өрінен көрінген орталық ұстаздары М.Ақтанова, Н.Тұрсынбек, Т.Жаппарқұлова, Т.Жылқыбаева, А.Ақылбековалар Алғыс хатпен марапатталды.

 


Елбасымыздың «Болашаққа бағдар: рухани жаңғыру» мақаласында көтерілген мәселелерді орындау мақсатында жолға шыққан «Рухани керуен» Текеліге де келіп жетті.
Алматы облысы Дін істері басқармасының "Рухани Керуен" жобасы Текелі қаласындағы Даңқ Монументіне гүл шоқтарын қоюдан басталды.

"Рухани Керуен" жобасы аясындағы қалалық актив жиыны өтті.

«Рухани Керуен» аясында Текеліде «Ақпараттық түсіндіру жұмысы – діни сауаттылықты арттырып, рухани байлығымызды дәріптейді» тақырыбында білікті мамандар, ақпараттық түсіндіру тобы мүшелерінің қатысуымен дөңгелек үстел өткізілді.

Текелі қалалық ауруханасында «Рухани Керуен» жобасы бойынша «Денсаулық – болашақ кепілі» тақырыбында діни себептермен екпе, қан құюдан бас тартқан азаматтармен кездесу өтті.

Ұлт жоспарына айналған мақаланы насихаттауға мектеп оқушылары да ат салысуда. №8 орта мектеп оқушыларының ұйымдастыруымен өткізілген «Діндер тарихы» брейн-ринг ойынына көрермен ретінде қала мектептерінен оқушылар, тарих пәнінің мұғалімдері қатысты. Баянды мерекемізге «Облыстық дін басқармасының» «Дін саласындағы мәселелерді зерттеу» орталығының нұсқаушысы, теолог Асанов Ақжол Мұратұлы қатысып мектеп жастарына ақыл кеңесін берді.

"Рухани Керуен" жобасы аясында ақпараттық түсіндіру тобы Орталық базарда қала тұрғындарына экстремизм мен терроризмнің алдын алу бойынша түсіндіру жұмыстарын жүргізді. Арбатта сурет және кітап көрмелері көрсетілді.

Жұмыспен қамту және әлеуметтік бағдарламалар бөлімінде «Рухани жаңғыру - жарқын істердің бастамасы» тақырыбында деструктивке шалдыққан отбасы мүшелерін қоғамға бейімдеу бойынша әлеуметтік мәселелерін шешу жолдарын қарастыру мақсатында кездесу өтті.

Рухани Керуен" жобасы аясында қала әкімдігінің үлкен мәжіліс залында «Дінаралық татулық – болашаққа нық қадам» тақырыбында діни бірлестік жетекшілерімен кездесу болып өтті. Кездесуге Алматы облысы дін істері басқармасының басшысы Р. Есдәулетов қатысып, жергілікті діни бірлестік басшыларымен ашық әңгіме өрбітті.

Спорт сарайында "Рухани Керуен" жобасы аясында «Дін бірлігі – ел тұтастығының кепілі» тақырыбында (діни бірлестіктер жетекшілерімен) спорттық жарыс ұйымдастырылды.

Металлург клубында "Рухани Керуен" жобасы аясында «Рухани мұра» атты концерттік бағдарлама көрсетілді. Концерт барысында Алматы облыстық Сүйінбай атындағы филармонияның әншілері өз өнерлерін ортаға салды.

«Текелі қаласы әкімдігінің қалалық кітапханасында» КММ -де "Рухани Керуен" жобасы аясында қалалық ардагерлер кеңесінің мүшелері және облыстық «Огни Алатау» газетінің бас редакторы Идигов. А.С., әнші, ақын – Әділбеков Ә.Б. қатысқан «Ұлттық рух – рухани жаңғырудың негізі» атты рухани кездесу өтті.

№ 8 орта мектебінде "Рухани Керуен" жобасы аясында  өткен дөңгелек үстелге облыстық дін істері басқармасының нұсқаушысы Ә. Әлімханова қатысты.

 

«Ақпарат толқыны» кіші бағдарламасы

Барлық базалық бағыттарды ақпараттық қолдау

Текелі қаласында «Рухани жаңғыру» бағдарламасын жүзеге асыру аясында 1-27 қазан аралығында барлығы 103 шара ұйымдастырылып, 12 280  адам қамтылды. Оның ішінде:

«Тәрбие және білім» кіші бағдарламасы бойынша  74 шара ұйымдастырылып, 6238 адам қамтылды;

Атамекен» кіші бағдарламасы бойынша 7 шара ұйымдастырылып, 2335 адам қамтылды;

«Рухани қазына» кіші бағдарламасы 22 шара ұйымдастырылып,  3933 адам қамтылды.

Жергілікті «Текелі тынысы» газетінде  қазан айында «Рухани жаңғыру» арнайы логотипімен, «100 жаңа есім», «Туған жер», «Твои люди город» айдарларымен 40 мақала жарық көрді.

Әлеуметтік желілердегі Текелі қаласының әкімдігі парақшасында «Рухани жаңғыру» логотипімен атқарылған шаралар туралы жарияланымдар, зиялы қауым және оқырмандар мақалалары шығарылып отыр. Қазанда  40 жарияланым орналастырылған.


 

«Ақпарат толқыны» кіші бағдарламасы
 
Барлық базалық бағыттарды ақпараттық қолдау
Қоғамдық сананы жаңғырту бағдарламасының қалалық желілік кестесіне сәйкес тамыз айында 4 ауқымды шара ұйымдастырылып, барлығы 1400 тұрғын қамтылды. .
"Рухани жаңғыру" бағдарламасының «Тәрбие және білім» кіші бағдарламасы бойынша 4 жоба, «Атамекен» кіші бағдарламасы – 4 жоба, «Рухани қазына» кіші бағдарламасы – 7 жоба, «Ақпарат толқыны» кіші бағдарламасы – 7 жоба, барлығы 22 жоба ұсынылды.
Текелі қаласында «Рухани жаңғыру» бағдарламасының логотипімен 4 билборд, 6 аспалы тақта, 1 панно, 1 брандмауэр орналастырылған.
«Фейсбук», «Инстаграмм», «ВКонтакте» әлеуметтік желілеріндегі Текелі қаласының әкімдігі парақшасында, Ішкі саясат бөлімінің парақшаларында «Рухани жаңғыру» арнайы логотипі орналастырылған. Тамыз айында барлығы 40 жарияланым шығарылды.
2017 жылдың сәуір айынан бастап қалалық «Текелі тынысы» газетінің әр нөмірінде «Рухани жаңғыру» логотипі орналастырылып, «Ұлт рухы», «Текелім – атамекенім», «Сакральная география», «Твои люди, город», «Достопримечательности Текели», «Рухани қазына», «Тәрбие және білім» айдарлары ашылды. Тамыз айында барлығы 36 мақала жарық көрді.
Қоғамдық сананы жаңғырту бағдарламасының қалалық желілік кестесіне сәйкес қыркүйек айында «Тәрбие және білім» кіші бағдарламасы бойынша 12 шара ұйымдастырылып, 860 тұрғын қамтылды.
«Рухани қазына» кіші бағдарламасы бойынша 11 шара өткізіліп, 2421 адам қамтылды. кіші бағдарламасы – 6 шара ұйымдастырылып, 150 адам қамтылды.
Жергілікті «Текелі тынысы» газетінде «Рухани жаңғыру» арнайы логотипі орналастырылып, қыркүйек айында 15 мақала жарық көрді.
Әлеуметтік желілердегі Текелі қаласының әкімдігі парақшасында «Рухани жаңғыру» логотипімен атқарылған шаралар туралы жарияланымдар, зиялы қауым және оқырмандар мақалалары шығарылып отыр. Қыркүйекте 14 жарияланым орналастырылған.