Навигация

Ақпарат

Баннеры

Негізгі » "Рухани жаңғыру" бағдарламасы » Туған жер » Атамекен

Атамекен

2. «Атамекен»кіші бағдарламасы
 
ЖАН ЖЫЛУЫ – ӨМІР ШУАҒЫ
Қайырымдылық жасау жақсы қасиеттердің бірі болып саналады.
Қамқорлыққа зәру балаларға жанашырлық таныта отырып жүрек жылуын арнау, аялы алақанды ұсыну – қазақ халқының жаратылысына тән жомарттық пен ізгілік белгісі.
Жақында «Рухани жаңғыру» бағдарламасы аясында №8 орта мектебінің оқушылары Талдықорған қаласындағы «Қамқор» мүгедек балалар үйіне барып қайтты. «Қайырымдылық – ізгіліктің анық көрінісі» атты әуезді кеш жаны жаралы жандардың еңсесін көтеріп, көңілдерін аулап, жақсы көңіл-күй сыйлады. Көрермен балдырғандар қайырымдылық концертін ыстық ықыласпен қабыл алды. Аталған мектептің 9 сынып оқушысы Наурызбай Мақсат «Күнім, сен сөнбеші» әнін орындап, қошеметке ие болды. «Қамқор» үйінің тәрбиеленушілері де тыс қалмай, ән айтып, би билеп, мәнерлеп тақпақ та оқыды. Шара барысында алдын ала мектепте ұйымдастырылған акция барысында арнайы жәшікке жиылған оқу-құралдары, ойыншықтар, тәттілер, т.б. қажетті заттар сыйлық ретінде табысталды. Ерекше балаларға арналған концертте өнерлі өрендер әннен шашу шашып, заманауи би үлгілерін көрсетіп, өнерімен тамсандырды. 
«Іс-шараның өз дәрежесінде өтуіне атсалысқан барлығы 23 оқушыны қалаға барып-қайтуына қаржылай көмек, қолдау көрсеткен ата-аналар Бірлік Нұрқазы және Саян Мұратбековтерді атап өткім келеді. Әрқайсымыз шарапаты мол істерді жасауға атсалыссақ, нұр үстіне нұр болар еді. Алдағы уақытта да мұндай игі шараларды ұйымдастырып, көмекке мұқтаж жандардың жанына демеу болу – біздің басты міндетіміз деп білеміз», – деді №8 орта мектебі директорының тәрбие ісі жөніндегі орынбасары Бәтима Белгібаева.
 

 

Текелі қаласының Мәдениет үйінде ҚР Тәуелсіздігі күніне арналған салтанатты шара барысында  Ұлт көшбасшысы Н.Ә. Назарбаевтың «Болашаққа бағдар: рухани жаңғыру» бағдарламалық мақаласындағы «Туған жер» арнайы жобасын жүзеге асыруға қосқан зор үлестері мен Отанға, туған елге деген сүйіспеншілік, елжандылықтың биік үлгісін көрсетіп, азаматтық белсенділік танытқан Р. Сисекенова, Е. Дүйсебаев, М. Сыдықов, Қ. Ерғожанов, А. Авдеев сынды меценаттар Текелі қаласы әкімінің Алғыс хатымен және бағалы сыйлықтармен марапатталды.
14 желтоқсанда «Текелі-Орталық Азия жиһаз компаниясы» ЖШС басшысы Авдеев Андрей Владимирович Текелі қаласындағы коррекциялық кабинетке мүмкіндігі шектеулі балаларға арналған ортопедиялық орындық сыйға тартты.

14 желтоқсанда Текелі қалалық ауруханасындағы жаңадан бой көтерген шаруашылық қызмет көрсету ғимараттарының салтанатты ашылуы өтті. 

Ұлт көшбасшысы Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласынан бастау алған «Туған жер» кешенді жобасын жүзеге асыруға текеліліктер де өзіндік үлесін қосуда. «Туған жерім – тұғырым, туған елім - ғұмырым» деген шынайы ниет иесі, отаншыл азамат Марат Құдайбергенұлы Сыдықов Текелідегі тау баурайында күрес залын салып, спортшылар игілігіне тарту етті.

22 қарашада «Рухани жаңғыру» бағдарламасының «Туған жер» арнайы жобасы аясында салынған Орталық Азия Университетінің Кампусына баратын жолдың салтанатты ашылуы өтті. Текелі қаласының әкімі Өнербаев Бахтияр Әлтайұлы, ҚР Үкіметі және қоғаммен байланыс бойынша Орталық Азия Университетінің Орталық Әкішілік өкілі Сисекенова Райхан Маратқызы құттықтау сөз сөйлеп, жарқын болашаққа бастайтын Мәңгілік Ел жолы болсын деген ізгі тілектерін жеткізді. 


 

«Рухани жаңғыру»  бағдарламасын іске асыру шеңберінде      
Текелі қаласы бойынша атқарылған жұмыс туралы ақпарат
 
Тәуелсіздік күні мерекесін Текелі қаласындағы №2 психологиялық-педагогикалық түзету кабинетінен жәрдем алатын мүмкіндігі шектеулі бүлдіршіндер ерекше көңіл-күймен қарсы алды. «Рухани жаңғыру» бағдарламасының «Туған жер» арнайы жобасы шеңберінде аталған кабинетке «Центрально-Азиатская Мебельная Компания Текели» ЖШС ұжымы ортопедиялық орындық сыйлады. Аталған мекемені қамқорлығына алған Кәсіпкерлер палатасы Текелі қалалық филиалының директоры Т.Жұмаділов осындай ізгі шаралар жалғасын табатынын айтты. Мекеме басшысы Н.Әшімбаеваның айтуынша, бұл жерден жалпы мүмкіндігі шектеулі 90-ға тарта бала көмек алады. Соның ішінде сал ауруына шалдыққан балалар үшін ортопедиялық орындықтың пайдасы көп. Бағасы қымбат әрі кез келген жиһаз өндіруші жасай бермейтін орындықты жанашырлықпен сыйлаған кәсіпкерлерге ұжымның да, ата-аналардың айтар алғысы шексіз.


 

«Рухани жаңғыру» бағдарламасының «Туған жер» арнайы жобасы аясында жеке кәсіпкер Марат Құдайбергенұлы Сыдықовтың демеушілігімен Текеліде «Батыр» деген атаумен жаңа күрес залы ашылды. Жаңа нысанның тұсаукесерінде қала әкімі Б.Өнербаев, еркін күрестен жаттықтырушы Б.Нұрғисаұлы өскелең ұрпақ игілігін ойлаған азаматқа ризашылықтарын жеткізді.
 

 

(2017 жылғы  27 қазандағы жағдай бойынша)

«Атамекен» кіші бағдарламасы

Тәуелсіздік алаңында «Менің қалам - менің мақтанышым» атты Текелі қаласының 65-жылдық мерейтойы бағдарламасының   аясында  «Әскери Даңқ қаласы мен арман қаласының арасы» атты  мерекелік қойылым және концерт ұйымдастырылып өткізілді. Барлығы 2000 адам қамтылды.

Орталық Азия университетінің ұйымдастыруымен «Туған жер – алтын бесік» Текеліліктер құрылтайы өтіп, 50 адам  қамтылды.

Текелі қаласының 65 жылдық мерейтойы аясында қала көшелеріне қарағай көшеті отырғызылды (қамтылған адам саны – 35).

«Менің қаламның биік белестері» атты әлеуметтік-экономикалық жетістіктер көрмесі ұйымдастырылды.

Кәсіпкерлік бөлімі мен Кәсіпкерлер палатасының ұйымдастыруымен Бал және алма көрмесі өтті (қамтылған адам саны – 100).

Қала әкімі Б. Өнербаев қаладағы шағын және орта бизнес өкілдерімен кездесті (35 адам).

Текелідегі «Flay» спорттық-сауықтыру клубында «Мүмкіндігі шектеулі қарттарға арналған спорт» әлеуметтік жобасы іске асырылуда.


2.«Атамекен» кіші бағдарламасы

2.1. Әлеуметтік бастамалар картасы:
22 тамызда қала кәсіпкерлерімен бірлесе әлеуметтік мәселелер картасы түзіліп, оған коррекциялық кабинетке иппотерапия емі, туризм орталығындағы балалардың саяхатқа шығуы үшін көлік сатып алу және қалада спорттық алаңшалар салу туралы енгізілді.
28 тамызда қала әкімінің үкіметтік емес ұйымдармен кездесуі өтті. Кездесуге 15 ҮЕҰ басшылары мен 5 діни бірлестік төрағалары қатысты. Жиын барысында азаматтық институт өкілдерінің «Туған жер» жобасына белсенді атсалысу мәселесі көтерілді.
28 тамызда қала әкімі үкіметтік емес ұйымдар, діни бірлестік және саяси партия өкілдерімен кездесті.
7 қыркүйекте Жастар орталығында шағын және орта бизнес өкілдерімен кездесу ұйымдастырылды.
15 қыркүйекте қалалық Қоғамдық кеңес отырысында «Рухани жаңғыру» бағдарламасының «Туған жер» жобасын жүзеге асыру бойынша мәселелер көтерілді.
22 қыркүйекте Кәсіпкерлер палатасының Текелі қалалық филиалында қала әкімі Б.Өнербаевтың қатысуымен кәсіпкерлермен кездесу өтті.
 
2.2 Жомарт жүрек
16 тамызда «Мектепке жол» республикалық «Менің таңдауым – балаларға көмек!» акциясы өткізілді. 312 балаға қала кәсіпорындары мен мекемелері, жеке азаматтар қайырымдылық шарасын ұйымдастырды. 4 млн теңге оқушы балалардың керек-жарағы алынып берілді.
Текелі қаласында «Рухани жаңғыру» бағдарламасының «Туған жер» жобасын жүзеге асыру мақсатында Орталық Азия Университетіне баратын қалалық жол салынып жатыр. Жолдың ұзындығы 970 м., жобаның бас демеушісі - Орталық Азия Университеті, құны 129 млн 630 мың теңгені құрайды. Аталған жоба туралы облыстық «Жетісу» арнасында сюжет көрсетілді. Текелі қалалық Қоғамдық кеңесінің кезекті отырысында «Туған жер» арнайы жобасы аясында қаладағы бірнеше мекемелердің әлеуметтік мәселелері көтеріліп, Қоғамдық кеңес қала тұрғындарына, шағын және орта бизнес өкілдеріне, жалпы қолдау көрсете алатын азаматтарға Үндеу жолдады. Үндеу жергілікті «Текелі тынысы» газетінің 2017 жылғы 22 қыркүйектегі №38 басылымында жарияланды.