Навигация

Ақпарат

Баннеры

Негізгі » "Рухани жаңғыру" бағдарламасы » Жаһандық әлемдегі заманауи қазақстандық мәдениет » Мәдени даму

Мәдени даму

3.3. «Мәдени даму»:

Текелі қаласының №8 орта мектебінде "Ұлттық дәстүр мен мәдениет - ұлттық рухымыздың іргетасы" атты кездесу өткізілді. Кездесуге келген ақ кимешекті әжелеріміз ұлттығымызды ұлықтайтын салт- дәстүріміздің бастауы-бесікке бөлеу мен тұсаукесер ырымын жасап, оқушыларға ғибратты өнеге көрсетті. Сонымен қатар ұмыт бола бастаған ұршық иіру жайлы айтқанда қыз балалардың қызығушылығы артып, қолдарымен ұршық иіріп көрді. Қазақ халқының әр қуанышқа табыла кететін дәстүрлері көп-ақ! Соның бірі-тойымыздың сәні мен мәні, тойға шашылатын шашу жаңаша түрде оқушылар назарына ұсынылды. Тәтті кәмпит қағаздарына оралған ырым-тиымдар жайлы жазулар шашу боп шашылды. Оқушылар шашуды алып ішіндегі ырымдармен таныса отырып, білмейтіндерін ақ кимешекті әжелерден сұрап, толық жауаптарын алды. Бүркіт баптаудың шебері- Бүркітбай қария ата- бабамыздан келе жатқан құс баптаудың сыры мен қиындығы жайлы ойын ортаға салды. Бұл да ұлттық дәстүріміздің ұмытылып бара жатқан бірден бір сарыны екенін атап айтты. Сәйгүлікті жарату мен ат баптау жайлы Қайролла ағай оқушылармен ой бөлісті. Қазақтың тағы бір салты қуаныш иелері той аяқталғанда келген қонақтарға ризашылықтарын білдіру мақсатында «Тойбастар» таратады. Бүгінгі өткен шарада да келген қонақтарға «Тойбастар» үлестіріліп, әжелеріміз қонақ кәде ретінде «Тойбастар» әнін шырқады. Кездесу соңы "Қара жорға" биіне ұласты. Атқа мінер ұлымыз, қылықты қыздарымыз көбейе берсін!

 


20 желтоқсанда текелілік мұсылман қауым Мәуліт мерекесін «Металлург» клубында атап өтті. Айтулы мейрамның аясындағы шараға Текелі қаласының әкімі Б. Өнербаев, Талдықорған өңірі бойынша өкіл имамы А. Оразбаев қатысып, барша халықты Мәуліт мерекесімен құттықтады.
Жиналған қауым «Самға» жастар театрының «Шүкіршілік», «Ахирет» қойылымдарын және қалалық Мәдениет Үйі өнерпаздарының концерттік бағдарламасын тамашалады.

8 желтоқсан күні №6 орта мектептің бейнелеу өнері пәнінің мұғалімі М.Тутеев және №4 орта мектептің география пәнінің мұғалімі И.А.Дыбовамен ұйымдастырылған «Менің сүйікті қалам – Текелі» атты фотосуреттер байқауы өткізілді. Қамтылған бала саны: 52.

1 желтоқсан – Қазақстан Республикасының Тұңғыш Президенті күніне орай Текелі қаласының №5 ОМ «Елбасы жолы» киноэпопеясын , Елбасы Нұрсұлтан Назарбаевтың жастық шағы мен президенттікке сайлану жолын бейнелейтін «Елбасы жолы» фильмін оқушылар тамашалады. Қамтылған бала саны -105.

5-7 сынып оқушылары арасында 1 желтоқсан Қазақстан Республикасының тұңғыш президенті күніне арналған «Елбасы - елдің жүрегінде» атты көркемсөз байқауы өткізілді. Қамтылған бала саны – 21.


 

«Мәдени даму»:

«Жетісу жұлдыздары-2017» балалар шығармашылығы байқауының іріктеу турына «Шырайлым» би ұжымы, «Тау самалы» би ұжымы және 6 әнші қатысты. (барлығы - 26 адам).

Қазақстан Республикасының  мәдениет қайраткері Хамит Исаұлы Мамбетовпен білім ұйымдарында 8 кездесу ұйымдастырылып, «Өз далаңды асқақтатып, тауларынды аласартпа» атты 1 әдеби-сазды кеш өткізілді. Барлығы 3111 оқушы қамтылды.

«Сиқырлы өрнектер сыры» танымдық кеш, «Domra Party» ұлттық өнер фестивалі ұйымдастырылып, 200 адам қамтылды.


«Мәдени даму»:

17 тамызда Қазақстан Республикасы ҰҚК Шекара қызметінің 25-жылдығына арналған  салтанатты жиын ұйымдастырылып, жасөспірімдер мен шекарашы жауынгерлердің кездесуі өткізілді. Шекара сақшылары ұлықталды.

24 тамызда Ардагерлер ұйымының 30 жылдығына орай «Ұлағатты істің ұйытқысы» атты қалалық мәдени-салтанатты шарада «Абзал ана отауы» әжелер халықтық ансамблі, «Надежда» клубының ардагерлері ән шырқап, терме-жыр, күй орындады.

30 қыркүйекте  «Музыкальный калейдоскоп» музыкалық жәрмеңке ұйымдастырылды Барлығы 500 адам қамтылды.

Балалар шығармашылығы орталығының педагогтары мен шәкірттерінің «Осенняя палитра» байқау-көрмесі өтті. Көрмеге барлығы     800 тұрғын қамтылды.