Навигация

Ақпарат

Баннеры

Негізгі » Қалалық басқармалар » "Текелі қаласы әкімдігінің халықты жұмыспен қамту орталығы" КММ » Атқарылған жұмыс бойынша ақпарат

Атқарылған жұмыс бойынша ақпарат

Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасы шеңберінде 2017 жылы атқарылған жұмыстары туралы ақпарат
 
Бағдарлама шеңберінде Текелі қаласы бойынша халықты жұмыспен қамтудың 2017 жылға арналған кешенді іс-шаралар жоспарына сәйкес 1355 адамды қамту жоспарланған. Ағымдағы жыл басынан 1478 адам қамтылып, 109,0%-ды құрады. Оның ішінде: жұмыссыздар саны 729 адам, өзін өзі нәтижесіз жұмыспен қамтығандар саны 253 адам, жұмыс іздеп жүрген адамдар саны 446.
Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасын жүзеге асыру 3 бағыт бойынша іске асырылады.
Бірінші бағыты Бағдарламаға қатысушыларды техникалық және кәсіптік біліммен және қысқа мерзімді кәсіптік оқумен қамтамасыз етуге көзделген. Бұл бағыт бойынша қысқа мерзімді кәсіптік оқуға 250 адамды жолдау жоспарланып, 251 адам 12 мамандық бойынша 3 оқу орнына жолданды. Олар: Текелі кәсіптік колледжінде: 52 - аспаз, 20 - кондитер, 23 - электромонтаждаушы, 8 – газбен және электрмен дәнекерлеуші, 30- шаштараз, 24 - тырнақ әрлеуші, 36 – тігінші, 20-машинист погрузчик, 17-ЭЕМ операторы;
Талдықорған аймақтық еңбекке орналастыруға жәрдем көрсету қоғамдық қорында: 14- тәрбиешінің көмекшісі, 6-массаж жасаушы;
«ТАТЭК» акционерлік қоғамында құрылған оқу орнында: 1-электромонтер.
2018 жылдың қаңтар айына 247 адам оқуларын аяқтап, 181 адам жұмыспен қамтылды. Немесе 73,3%-ды құрады. Бұл бағытқа бюджеттен 39211,0 мың теңге қаржы жұмсалды.
Сонымен қатар, қыркүйек айында еңбек нарығының қажеттіліктерін ескере отырып, техникалық және кәсіптік білімі бар кадрларды даярлауға өмірлік қиын жағдайға тап болған және тұрмысы төмен отбасылардың мүшелері қатарындағы 9-11-сыныптарды бітірушілер, оқу орындарына түспеген, жұмыс іздеп жүрген жастар, сондай-ақ азаматтардың өзге санаттары арасынан 90 адам жолданды (олар: Текелі кәсіптік колледжінде 25-шаштараз, 25- газбен және электрмен дәнекерлеуші, Талдықорған сервис және технология колледжінде 25-кондитер және Талдықорған өнеркәсіптік индустрия және жаңа технологиялар колледжінде 15-слесарь). Оқу мерзімі 2 жыл 10 айға дейін. Бағдарлама қатысушылары оқуына ақы төлеу бойынша мемлекеттік қолдаумен, бір реттік ыстық тамақпен, шәкіртақымен, жол жүру ақысымен қамтамасыз етіледі.
Оқуларын аяқтап келгеннен кейін барлық Бағдарлама қатысушылар тұрақты жұмыс орындарымен қамтылатын болады.
Бағдарламаның екінші бағыты жаппай кәсіпкерлікті дамытуға көзделген. Шағын несие алуға 93-ке жуық адам тізімделіп, 41-ға жуық адам жолдама алып оның ішінде 3 адамға 31300,0 млн теңге несие берілді.
Бағдарламаның үшінші бағыты халықты жұмыспен қамтуға жәрдемдесу және еңбек ресурстарының ұтқырлығы арқылы еңбек нарығын дамытуға көзделген. Бұл бағытқа бюджеттен 350 адамға 48 222,0 мың теңге қаржы бөлініп, 48 222,0 мың тенге қаржы игерілді, немесе 100,0%-ды құрады. Қазіргі уақытта қоғамдық жұмыстарға 24 мекемелер мен кәсіпорындарға 323 адам, әлеуметтік жұмыс орындарына 5 кәсіпорындарға 29 адам, жастар практикасына 20 мекемелер мен кәсіпорындарға 33 адам жолданды.
Сонымен қатар, тұрақты және уақытша жұмыс орнындарына 749 адам жұмысқа орналастырылды, оның ішінде: білім саласында – 75 адам, денсаулық саласында – 110 адам, өнеркәсіп саласында - 130 адам, құрылыс саласында – 31 адам, қызмет көрсету саласында – 138 адам, мемлекеттік қызметте – 6 адам, ауыл шаруашылық саласында – 18 адам, басқа да әр түрлі салаларда 241 адам жұмыс атқарып келеді.
 
Директор К. Жантекеева