Навигация

Ақпарат

Баннеры

Негізгі » Бөлімдер » «Текелі қаласының экономика және бюджеттік жоспарлау бөлімі» ММ » Қаланың әлеуметтік-экономикалық дамуы туралы ақпарат

Қаланың әлеуметтік-экономикалық дамуы туралы ақпарат

 
2018 ж. «___»___________
қала әкімдігінің отырысына
 
 
Анықтама
Қаланың әлеуметтік- экономикалық дамуының
2018 жылдың 2 тоқсанына қорытындылары және 3 тоқсанына
арналған міндеттері туралы

 

2018 жылдың 1 жартыжылдығында қаланың әлеуметтік-экономикалық дамуында оң серпін байқалады.

Өнеркәсіп өнімінің көлемі 5,0 %-ке немесе 8813,2 млн. теңгені құрап, өңдеу өнеркәсібінің 9,9%-ке өсуі есебінен артты.

Қаланың облыстық өнеркәсіп өніміндегі үлес салмағы 2,2% құрады.

Солод өндірісі – 11,8 %-ке, сүт өндірісі – 35,1 %-ке, жылу энергиясы – 1,6 %-ке, өнделген тас өнімі 9,6 %-ке артты.

Қалада 39 өнеркәсіп кәсіпорындары жұмыс істейді, оның ішінде 2 орта, 34 шағын және 3 филиал.

«Bapy Mining» ЖШС-нің шойын өндірісі «зәкірлік» жобасын жүзеге асыру жалғасуда. Жобанының жүзеге асырылунан бастап барлығы          7,8 млрд. теңге инвестиция, оның ішінде 2018 жылы – 104,2 млн. теңге игерілді. Кең байыту фабрикасы мен агломерация цехы іске қосылып, кенді мөлшерлеу бойынша жұмыстар жүргізіліп, 17,0 мың тонна концентрат өндірілді. Ауажылытқыштар 1200 градусқа дейін қыздырылды. Тамыз айының соңына бірінші шикізатты шығару жоспарлануда. Кәсіпорында 568 адам жұмыс істейді.

Алайда, электр энергиясы– 8,6 %-ке, ауыз суы 1,3 %-ке азайды.

Ауыл шаруашылығының жалпы өнімінің көлемі 638,3 млн. теңгені, нақты көлем индексі 104,5%-ті құрады.

191,3 га – картоп, 54,2 га – көкөністер, 268,0 га – дәнді және 137,0 га майлы дақылдар 3,0 га – жемшөптік дақылдар, 145,1 га жеміс-жидектер, 1,8 га – виноград отырғызылды.

«Алма Дария» шаруа қожалығымен қуаттылығы тәулігіне 400 литр сүтті қайта өндеу бойынша шағын цех іске қосылып, 8 жұмыс орны құрылды. Ағымдағы жылдың 1 шілдесіне 30 тонна сүт өндірілді.

«ТКФ Алақай» ЖШС кондитерлік цехын реконструкциялау мен жабдықтарын жаңғырту жүргізілді.

"Green House - зеленый дом" ЖШС жылыжай кешенінің өз қазандығының құрылысы басталып, 45,0 млн. теңге инвестиция игерілді. Егіс айналымын ағымдағы жылдың 1 тамызынан бастау жоспарлануда.

«Байгесенов» шаруа қожалығына 4 тонна арзандатылған дизелді жаңар - жағармай, 698,4 мың теңгеге тыңайтқыштарға субсидия берілді.

Мал басы мен құстың барлық түрлері көбейіп, 3,4 % өсіммен 430 тонна ет сойылып, 1598 тонна сүт сауылды (101,3%), 928 мың дана жұмыртқа өндірілді (104,0%).

Екі қолдан ұрықтандыру пункті жұмыс істейді. 2018 жылдың 1 шілдесіне 332 бас мал ұрықтандырылып, жылдық жоспар 55,3 % орындалды.

Ауыл шаруашылық малдарын вакцинациялау және диагностикалық зерттеулер уақытылы жүргізілуде.

Алайда, бруцеллезге оң нәтиже беретін 11 бас мал анықталды.

6 айда қала экономикасының дамуына 2563,2 млн. теңге инвестиция тартылып, нақты көлем индексі – 106,6 % құрады. Бюджеттік емес инвестицияның үлесі 75,6 % құрады.

Белсенді шағын және орта бизнес субъектілерінің саны 73 бірлікке артып, 1195 бірлікті құрады, аталған салада жұмыспен қамтылғандар саны – 2,7 мың адамды құрады.

Көрсетілген қызмет пен өндірілген өнімнің көлемі 4265,7 млн. теңгені құрады. Бюджетке түскен салық 600,4 млн. теңгені, алайда, қала бюджетіндегі үлес салмағы тек 52,4 % құрады.

«Нәтижелі жұмыспен қамтуды және жаппай кәсіпкерлікті дамыту» бағдарламасы аясында 46,0 млн. теңгеге төрт жоба бойынша микрокредит берілді.

Кәсіпкерлерді қолдау орталығымен 750 адамға кеңес беріліп, кәсіпкерлік негіздеріне 50 адам оқытылды.

Бірінші жартыжылдықта бөлшек тауарайналымы 38,8 % өсіммен 1927,0 млн. теңгені құрады.

19 әлеуметтік-маңызды азық-түлік тауарларының 2 түрі қымбаттады: сиыр еті – 3,8 %, қырыққабат – 5,9%.

Қалада туризмнің 11 нысаны қызмет көрсетеді. Ақылы туристік – сауықтыру қызметі 78,3 млн. теңгені құрап, туристік мекемелермен 2716 адамға қызмет көрсетілді.

Салықтар мен бюджетке түсетін басқа да міндетті төлемдерді жинау жоспары 106,0% орындалып, 1146,2 млн. теңгені құрады, соның ішінде республикалық бюджетке 629,2 млн. теңге түсті немесе жоспарға 105,4%, жергілікті бюджетке – 517,0 млн. теңге (106,0%), оның ішінде қалалық бюджетке 177,5 млн. теңге (111,5%).

Бюджетке түсетін төлемдердің 21 түрі бойынша жоспар асыра орындалды.

Жыл басымен салыстырғанда берешек сомасы 1,0 млн. теңгеге азайып, 7,5 млн. теңгені құрады. Ең ірі борышкерлер жеке тұлғалар – 7,5 млн. теңге.

Шығыстар бойынша қала бюджеті 1553,9 млн. теңгеге немесе 96,3% орындалды. Игерілмеген қаражат 60,4 млн. теңгені құрады, оның 11,8 млн теңгесі әкім аппараты бойынша (79,5%), 1,8 млн. теңгесі Рудничный ауылдық округі әкімінің аппараты бойынша (85,3%), 22,0 млн. теңгесі тұрғын үй – коммуналдық шаруашылық және тұрғын үй инспекциясы бөлімі бойынша (95,8%), 5,6 млн. теңгесі жұмыспен қамту және әлеуметтік бағдарламалар бөлімі бойынша (96,1%), 17,3 млн. теңгесі білім бөлімі бойынша (97,5%).

2018 жылдың 1 шілдесіне кредиторлық берешек 5,3 млн. теңгені құрады.

Жеке тұрғын үй құрылысы үшін берілген қолданылмаған жер учаскелерін қайтару бойынша жұмыстар жүргізіліп, 60 жалдау келісім-шарттары бұзылып, мемлекет меншігіне қайтарылды.

Құрылыс жұмыстарының көлемі 498,6 млн. теңгеге артып, 1132,0 млн. теңгені, нақты көлем индексі 169,4% құрады.

1130 шаршы метр тұрғын үй қолданысқа енгізілді.

«2020 жылға дейін өңірлерді дамыту» бағдарламасы аясында кәріз жүйелерін және «Металлург» шағын ауданының магистарльді жылу жүйелерін қайта жаңғырту, көше жарықтандырғыштарын орнату, жаяу жолдарды ағымдағы жөндеу бойынша жұмыстар жүргізілуде.

Қаланың төрт көшесі бойынша орташа жөндеу жұмыстары жүргізіліп, 0,9 км жол жөндеуден өтті.

Барлау ұңғымаларын бұрғылау бойынша жұмыстар жүргізілуде, 4 ұңғыма бұрғыланды.

Апатты үйлер тұрғындарын көшіруге 13 пәтер сатып алынды.

Көктемгі санитарлық тазалау айлығында 90 тонна қатты тұрмыстық қалдықтар шығарылып, 22 км жуық арық жүйелері тазаланды.

Бірінші жартыжылдықта автокөлік құралдарымен 970,6 мың тонна жүк тасымалданып, 2017 жылдың сәйкес кезеңіне қарағанда 0,8% артты және 4885,3 мың жолаушы тасымалданып, өсім 102,0% құрады.

Алайда, халықтың (59,4 млн. теңге), бюджеттік мекемелердің (7,5 млн. теңге) коммуналдық төлемдерге және жалдамалы тұрғын үй бойынша (104,0 мың теңге) дебиторлық берешек қарыздарын өтеуге жеткілікті назар аударылмауда.

«Нәтижелі жұмыспен қамтуды және жаппай кәсіпкерлікті дамыту» бағдарламасы аясында жұмыспен қамту шараларымен 798 жұмыссыз азамат қамтылып, оның ішінде қысқа мерзімді кәсіби оқуға - 173 адам, еңбекақысын ішінара субсидиялау арқылы әлеуметтік жұмыс орнына - 33 адам, жастар тәжірибесіне - 30 түлек жолданып, қоғамдық жұмыстарға 148 адам тартылды.

2018 жылдың 6 айында 185 жаңа жұмыс орны құрылды.

Өзін – өзі қамтыған халықтың қызметін заңдастыру бойынша жұмыстар жүргізілуде. 5585 азаматтын мәртебесі анықталып, оның 2467 – өзектендіріліп, 44,2 % құрады.

Әр түрлі әлеумметтік көмекті 48,8 млн. теңгеге 1494 аз қамтылған отбасы алды.

Қала бойынша орта айлық жалақы мөлшері 8,0 % өсіммен, 97637 теңгені құрады. Жалақы бойынша қарыздар жоқ.

120 қысқа мерзімді оқуды бітіргендердің 45 адамы, жастар практикасының 4-нің 1 адамы ғана жұмысқа орналастырылған.

Қаланың барлық мектептері кең жолақты интернетке қосылған, электронды журнал мен күнделік енгізілген. №5 және 8 орта мектептерде «E-learning» электронды оқыту бағдарламасы енгізілген. 527 компьютер техника жиынтығы бар, 1 компьютерге оқушылар саны 9,5 бала.

Мектеп бітірген оқушылар саны – 4066 құрап, білім сапасы - 64,0 %.

2017-2018 оқу жылында бітірген түлектер саны -200. «Алтын белгі» иегерлері -13, сондай-ақ «Үздік аттестат»иегерлері.

Қала бойынша ҰБТ-дің орташа балы - 88. ҰБТ тапсыруда ең жоғарғы нәтиже көрсеткен №8 орта мектебі – 107,3 балл. Қала бойынша ең жоғарғы балға ие болған №8 орта мектеп түлегі Аскеров Е.-129 балл

Мектепке дейінгі тәрбиемен балалардың қамтылуы 98,5%, кезектегі балалар саны 548.

Қалада оқушылардын демалуы мен сауықтыруына 3 қала сыртындағы лагерлер жұмыс істейді, 1 шілдеге 1,0 мыңға жуық бала қамтылды.

Кәмелетке толмағандар істері жөніндегі бөлімде 10 жасөспірім есепте тұр, олармен 5 қылмыс жасалған.

Денсаулық сақтау саласында вирустық гепатит ауруы 1 жағдайға бруцеллез 2 жағдайға, жалпы өлім 24 жағдайға азайды.

Қалалық аурухананың сейсмикалық нығайту жұмыстары жүргізілуде. Жұмыстын аяқталу мерзімі 2018 жылдың тамыз айының соңына жоспарланған.

Алайда, қатарлі жаңа ісік аурулары 15 жағдайға, туберкулез 2 жағдайға көбейді. Нәресте өлімінің екі жағдайы тіркелген.

2018 жылдың 1 жартыжылдығында 457 мәдени – бұқаралық іс шаралар өткізіліп, 39,0 мыңға жуық адамды қамтыды.

26 қалалық спорттық шаралар ұйымдастырылып, 17 облыстық жарыстарға қатыстық.

«Рухани жаңғыру» бағдарламасы жүзеге асырылып, 399 іс- шара өткізілді, 17 мыңға жуық адам қамтылды.

«Туған жер» арнайы жобасы бойынша алтыбақан, балалар және Street Workout алаңы құрылды.

2018 жылдың бірінші жартыжылдығында мемлекеттік мекемелермен 10515 қызмет көрсетіліп, оның ішінде тікелей мемлекеттік органдармен – 1299 қызмет (12,4 %) көрсетілді.

Мемлекеттік қызметті көрсету тәртібі туралы 14 мақала жарияланып, 12 семинар өткізілді.

2018 жылдың 1 жартыжылдығында 188 қылмыс пен құқық бұзушылықтар тіркеліп, 29 жағдайға немесе 18,2% көбейген. Қылмыстарды ашу 93,1 % құрады.

Шағын, орташа ауырлықтағы қылмыстар 13 жағдайға, ұрлық – 17 жағдайға, есіртке қылмыстары – 1 жағдайға, өлтіру 7 есеге көбейген.