Навигация

Ақпарат

Баннеры

Ақпарат

Негізгі » Бөлімдер » «Текелі қаласының экономика және бюджеттік жоспарлау бөлімі» ММ » Қаланың әлеуметтік-экономикалық дамуы туралы ақпарат

Қаланың әлеуметтік-экономикалық дамуы туралы ақпарат

2019 ж. «___»___________
қала әкімдігінің отырысына
Анықтама
Қаланың әлеуметтік- экономикалық дамуының
2019 жылдың 2 тоқсанына қорытындылары және 3 тоқсанына
арналған міндеттер туралы
 
2019 жылдың 1 жартыжылдығында қаланың әлеуметтік-экономикалық дамуында оң серпін сақталуда.
 
Өнеркәсіп өнімі 9624,8 млн. теңгеге өндіріліп, нақты көлем көрсеткіші 100,9%-ті құрады. Оның ішінде, өңдеу өнеркәсібімен 7206,0 млн. теңгенің өнімі өндіріліп, нақты көлем көрсеткіші 103,6%-ті құрады. Қаланың облыстық өнеркәсіп өніміндегі үлес салмағы 2,3%.
 
Есепті кезенде солод өндірісі – 1,1%-ке, сүт өндірісі – 53,8%-ке, жылу энергиясы – 14,7%-ке, артты.
 
Алайда, ауыз су өндірісі – 0,3%-ке, электр энергиясы – 26,1%-ке, өнделген тас өнімі - 62,9%-ке азайған.
 
Ауыл шаруашылығының жалпы өнімінің көлемі 614,7 млн. теңгені құрады, нақты көлем көрсеткіші - 105,4%.
 
271 га – картоп, 115 га – көкөніс, 236 га – дәнді, 42 га – майлы және 5 га – жемшөптік дақылдар отырғызылды.
 
«Алма Дария» шаруа қожалығымен тамшылатып суғару жүйесі қолданылған жылыжайдың құрылысы жүргізілуде, 2,0 млн. теңге инвестиция тартылды. Жылыжай аумағы 0,5 га, қуаттылығы бір егістік айналымында 12 тонна. Алғашқы егістік айналымын отырғызу ағымдағы жылдың қыркүйек айына жоспарланған, 8 жаңа жұмыс орны құрылады деп күтілуде.
 
Мал басы барлық түрлері бойынша көбейіп, құс саны былтырғы жылдың деңгейінде сақталуда.
 
Ауыл шаруашылық малдарын вакцинациялау және диагностикалық зерттеулер уақытылы жүргізілуде.
 
Шағын және орта бизнестің әрекет етуші субъектілерінің саны 1421 бірлікті құрады, немесе 2018 жылдың сәйкес кезеңімен салыстырғанда 226 бірлікке артты (01.07.2018ж - 1195 бірлік), жұмыспен қамтылғандар саны 2782 адам.
 
Шағын және орта бизнес субъектілерімен көрсетілген қызмет пен өндірілген өнімнің көлемі 5992,5 млн. теңгені құрап, бюджетке 656,9 млн. теңге салық түсті, бұл бюджетке түскен жалпы түсімнің 59,6%-ін құрайды.
 
«Нәтижелі жұмыспен қамтуды және жаппай кәсіпкерлікті дамыту» бағдарламасы аясында екі жоба бойынша 20,3 млн. теңгеге микрокредит берілді.
 
«Бизнестің жол картасы 2020» бизнесті қолдау мен дамытудың бірыңғай бағдарламасы аясында екінші деігейлі банктердің несиелерін субсидиялау бойынша 20,0 млн. теңгеге 1 жоба, кепілдендіру бойынша 10,0 млн. теңгеге 1 жоба жүзеге асырылды.
 
Кәсіпкерлерге ақпараттық-косультациялық көмек көрсету үшін, қалалық кәсіпкерлер палатасының жанында кәсіпкерлерге қызмет көрсету орталығы жұмыс жасайды. 6 айда орталықпен 630 қызмет көрсетіліп, «Бизнес - Кеңесші» бағдарламасы аясында 77 адам, «Бастау - Бизнес» бағдарламасы аясында 27 адам кәсіпкерлік негіздеріне оқытылды.
 
Бөлшек тауарайналымы 2108,5 млн. теңгені немесе 2018 жылдың сәйкес кезеңіне 109,4%-ті құрады, нақты көлем көрсеткіші - 101,8%.
 
Әлеуметік маңызы бар азық-түлік тауарларын базардағы бағадан 10-15% төмен саудалайтын 5 әлеметтік дүкен жұмыс істейді.
 
Қала әкімдігі мен сауда кәсіпорындары арасында әлеуметтік маңызы бар азық-түлік бағасына ең төменгі үстеме бағаны қосу жөнінде 9 меморандумға қол қойылды.
 
«JLC Сүт» ЖШС-гі мен «Текелийский ГМЗ» ЖШС-нің сауда павильондары қызмет көрсетіп, өнімдер зауыттың бағасымен тікелей сатылады.
 
Жылдың басымен салыстырғанда, әлеуметік маңызы бар 19 түрлі азық-түлік өнімдерінің, 16 түрі бойынша бағаның өсуі байқалуда: күріш – 15,0%, ұн – 22,5%, қарақұмық жармасы – 36,4%, нан – 72,0%, рожки – 21,8%, сиыр еті – 7,1%, тауық еті – 9,2%, сүт – 6,2%, айран – 6,0%, ірімшік – 11,7%, орам жапырақ – 5,8%, пияз – 12,5%, сәбіз – 41,2%, картоп – 37,5%, қант – 16,8%, тұз – 10,0%.
 
Негізгі капиталға салынған инвестиция көлемінің 63,7 млн. теңгеге азаюына жол беріліп, 2499,5 млн. теңгені құраған, нақты көлем көрсеткіші 94,2%. Инвестицияның жалпы көлеміндегі өзіндік қаражаттар 2085,8 млн. теңгені құрады, немесе 83,4%.
 
Құрылыс жұмыстарының көлемі орындалмай, 792,7 млн. теңгені құрап (2018 жылы – 1132 млн. теңге), 339,3 млн. теңгеге төмендеген. Нақты көлем көрсеткіші тек 68,1% құрады.
 
«Нұрлы жер» бағдарламасының аясында 40 пәтерлі тұрғын үйдің құрылысына келісім-шарт жасалынды, құрылысты жүргізу мерзімі 6 ай. Тағы екі 40 пәтерлі тұрғын үйдің құрылысына жобалық-сметалық құжаттама дайындалуда.
 
Бірінші жартыжылдықта 1837 шаршы метр тұрғын үй қолданысқа енгізілді, немесе 2018 жылдың сәйкес кезеңіне 162,6%.
 
Халыққа «7-20-25» бағдарламасын түсіндіру жұмыстары жүргізілуде.
 
Салықтар мен бюджетке түсетін басқа да міндеттеті төлемдерді жинау жоспары 103,1%-ке орындалып, 1102,8 млн. теңгені құрады, соның ішінде жергілікті бюджетке 538,8 млн. теңге түсті немесе 109,4%, оның ішінде қалалық бюджетке 172,4 млн. теңге немесе 105,4%.
Алайда, республикалық бюджетке түсетін түсімдер жоспары тек 97,8% орындалды немесе 564,0 млн. теңге түсті.
 
Жыл басымен салыстырғанда берешек сомасы 7,3 млн. теңгеге артып, 10,0 млн. теңгені құрады. Ең ірі борышкерлер жеке тұлғалар болып табылады.
 
Берешек сомасын азайту және олардың көбеюіне жол бермеу мақсатында берешекті өтеу бойынша 183 ескерту тапсырылды.
 
Қала бюджеті шығыстар бойынша 99,3%-ке орындалды, немесе 1970,1 млн. теңгені құрады.
 
Игерілмеген қаражат 12,9 млн. теңгені құрады, оның ішінде: мемлекеттік сатып алу қорытындысы бойынша үнемделген – 4,0 млн. теңге, еңбекақы төлемдері бойынша үнемделген – 3,9 млн. теңге, басқалар – 5,0 млн. теңге.
 
Қаражаттың төмен игерілуі келесі бюджеттік бағдарлама әкімшілерінде байқалады: ветеринария бөлімінде – 92,4%, құрылыс бөлімінде – 95,6%, сәулет және қала құрылысы бөлімінде – 95,6%, ауыл шаруашылығы бөлімінде – 95,7%, жолаушылар көлігі және автомомбиль жолдары бөлімінде – 97,4%, Рудничный ауылдық округі әкімінің аппаратында – 87,5%.
 
Көктемгі санитарлық тазалау айлығында 180 тонна қатты тұрмыстық қалдықтар шығарылып, 17 км жуық арық жүйелері тазаланды.
 
Алайда, жалдамалы тұрғын үй бойынша (341,5 мың теңге) дебиторлық қарызды өтеу мәселесіне жеткілікті назар аударылмауда.
 
«2020 жылға дейін өңірлерді дамыту» бағдарламасы аясында кәріз жүйелері мен «Металлург» шағын ауданының магистарльді жылу жүйелерін қайта жаңғырту бойынша жұмыстар жүргізілуде.
 
Қалдық қоймасын қалпына келтіру жобасын жүзеге асыру бойынша конкурс жарияланды.
 
Бірінші жартыжылдықта 991,2 мың тонна жүк тасымалданып, 2018 жылдың сәйкес кезеңіне қарағанда 2,1% артты және 5025,2 мың жолаушы тасымалданып, өсім 102,9% құрады.
 
Қаланың төрт көшесі бойынша орташа жөндеу жұмыстары жүргізілуде, 1,4 мың шаршы метр жол жөнделді.
 
«Нәтижелі жұмыспен қамтуды және жаппай кәсіпкерлікті дамыту» бағдарламасы аясында ағымдағы жылдың 1 шілдесіне қысқа мерзімді кәсіби оқуға - 106 адам, әлеуметтік жұмыс орнына - 12 адам, жастар тәжірибесіне - 26 түлек жолданды.
 
Қысқа мерзімді кәсіби оқуды аяқтаған 16 адамның 6-ы, жастар тәжірибесін аяқтаған 2 адамның 2-і тұрақты жұмыс орнына орналастырылды.
 
Ағымдағы жылдың қаңтар-маусым айларында 189 жаңа жұмыс орны құрылды. Қоғамдық жұмыстарға 125 жұмыссыз жолданды.
 
Орташа айлық жалақы мөлшері 104120 теңгені құрады.
 
Қалада 415 көпбалалы отбасы тұрады. Олардың отбасылық жағдайы және табыс деңгейі анықталып, әлеуметтік карта толтырылды.
 
"Әлеуметтік қамқорлық" әлеуметтік шараларын жүзеге асыру аясында атаулы әлеуметтік көмек көрсету шегі, төмен күнкөріс деңгейінің 70%-не дейін, 14 849 теңгеден 20 789 теңгеге дейін өсті.
 
2019 жылдың қаңтар-маусым айларында 2870 отбасы мүшелеріне 148,2 млн. теңгеге атаулы әлеуметтік көмек тағайындалды.
 
Көп балалы аз қамтылған отбасыларға пәтер сатып алу үшін жарияланған бірінші хабарландырудың қорытындысы бойынша 10 пәтерді сатып алу туралы келісім-шарт жасалынды.
 
Демеушілер есебінен 3 көп балалы отбасыға баспана сатып алынды.
 
Қаланың мектепке дейінгі мекемелерінде 1020 бала тәрбиеленуде. 3-6 жас аралығындағы балалардың мектепке дейінгі тәрбиемен қамтылу деңгейі 100%-ті құрайды.
 
Барлық мектептер кең жолақты интернетке қосылған. Мектептерде электронды журнал мен күнделік жүйелері еңгізілген. №1, №5, №8 орта мектептерде ІТ сыныптар орнатылған, №5 орта мектепте робототехника сыныбы жұмыс істейді. 527 компьютер техника жиынтығы бар, 1 компьютерге келетін оқушылар саны 6,9 баланы құрайды.
 
Мектеп бітірген оқушылар саны – 4169 құрады, білім сапасы – 65,0%.
 
Қала бойынша 2018-2019 оқу жылында мектепті аяқтаған түлектер саны – 133, оның ішінде қазақ тілінде - 91, орыс тілінде - 42. «Алтын белгі» иегерлері -16, «Үздік аттестат» иегерлері - 8.
 
ҰБТ-ға қатысқан түлектер саны – 96 (72%), орташа балл – 93,9.
 
Кәмелетке толмағандар істері жөніндегі бөлімде 14 оқушы есепте тұр, олармен 4 қылмыс жасалынған.
 
Денсаулық сақтау саласында жалпы аурулар саны 1156 жағдайға, туберкулез аурулары 1 жағдайға, вирустық гепатит аурулары 3 жағдайға, бруцеллез аурулары 1 жағдайға азайған.
 
Алайда, қатарлі жаңа ісік аурулары 8 жағдайға көбейген.
 
Қатарлі жаңа ісік ауруларынан қайтыс болу 100 мың тұрғынға шаққанда 2,3 есеге, жалпы өлім 1000 тұрғынға шаққанда 7,5% өскен.
 
Нәресте өлімінің 3 жағдайы, ана өлімінің 1 жағдайы тіркелген.
 
2019 жылдың 1 жартыжылдығында 456 мәдени – бұқаралық іс шаралар өткізіліп, 39,0 мыңнан астам адамды қамтыды.
 
22 қалалық спорттық шаралар ұйымдастырылып, 17 облыстық жарыстарға қатыстық.
 
«Рухани жаңғыру» бағдарламасы жүзеге асырылуда, 55 іс- шара өткізіліп, 6,7 мыңнан астам адам қамтылды.
 
2019 жылдың бірінші жартыжылдығында қаланың мемлекеттік мекемелерімен 10412 мемлекеттік қызмет көрсетілді, соның ішінде мемлекеттік органдармен тікелей - 5883 қызмет, қызмет көрсетушілердің ақпараттық жүйелері арқылы электронды түрде – 2440 қызмет, мемлекеттік корпорация арқылы - 1638 қызмет, электронды үкмет веб-порталы арқылы – 451 қызмет.
 
Мемлекеттік қызметті көрсету тәртібі туралы 9 мақала жарияланып, 9 жәрмеңке өткізілді
 
202 құқұқбұзушылық тіркелді, бұл өткен жылдың сәйкес кезеңімен салыстырғанда 7,4%-ке көбейген. Қылмыстарды ашу 93,3% құрады.
 
Ауыр және аса ауыр қылмыстар 16-дан 22-ге дейін (37,5%), кішігірім және орташа ауырлықтағы қылмыстар 123-тен 128-ге дейін (4,1%), зорлау 1-ден 2-ге дейін (2 есе), ұрлық 97-ден 98-ге дейін (1,0%), ауыр дене жарақатын тигізу 1-ден 2-ге дейін (2 есе), бұзақылық 2-ден 7-ге дейін (3,5 есе), алаяқтық 5-тен 12-ге дейін (2,4 есе) өскен.
 
Жалпы қаладағы қоғамдық-саяси ахуал тұрақты, қойылған тапсырмаларды орындау бойынша барлық шаралар қабылдануда.
 
 
«Текелі қаласының экономика
және бюджеттік жоспарлау бөлімі»
мемлекеттік мекемесінің басшысы Ф. Мырзахметова