Навигация

Жетісу адалдық алаңы

Ақпарат

Баннеры

Ақпарат

Негізгі » Бөлімдер » «Текелі қаласының экономика және бюджеттік жоспарлау бөлімі» ММ » Қаланың әлеуметтік-экономикалық дамуы туралы ақпарат

Қаланың әлеуметтік-экономикалық дамуы туралы ақпарат

 

2020 ж. « _»___________

қала әкімдігінің отырысына

 

 

Анықтама

Қаланың әлеуметтік- экономикалық дамуының

2019 жылға қорытындылары және 2020 жылдың 1 тоқсанына

арналған міндеттер туралы

 

2019 жылдың қорытындысы бойынша қаланың әлеуметтік-экономикалық дамуында оң серпін сақталуда.

Өнеркәсіп өнімі 23,1 млрд. теңгеге өндіріліп, нақты көлем көрсеткіші 109,0%-ті құрады. Өнеркәсіп құрылымында өңдеуші сала басым, ол жалпы өндірістің 73,9%-ін қамтиды. Қаланың облыстық өнеркәсіп өндірісіндегі үлес салмағы 2,4% - ті құрады.

2018 жылмен салысырғанда сүт өндірісі – 13,1%-ке, солод өндірісі – 14,1%-ке, сумен қамту – 1,2%-ке артты.

«Bapy Mining» ЖШС-мен 9,0 мың тонна шойын өндірілді. Кәсіпорында 1018 адам жұмыс істеуде.

2019 жылдың желтоқсан айында «Ak Altun Products» ЖШС сөндірілген әктас өндіру зауыты және «Электромарганец» ЖШС карьерлік техника шөміштері үшін шығыс операциялары мен өлшеп құйылған болат жасау кәсіпорны іске қосылып, 70 жаңа жұмыс орны құрылды.

Алайда, электр энергиясы өндірісі – 10,2%-ке, өнделген тас өнімі – 69,1%-ке, жылу энергиясы 5,6%-ке азайған.

Ауыл шаруашылығының жалпы өнімінің көлемі 5,7 млрд. теңгені құрады, нақты көлем көрсеткіші – 112,4%. Жылдық болжам 1,6 есеге орындалды.

2019 жылы «Green House - зеленый дом» ЖШС жылыжай кешенімен 174,0 млн.теңгеге 88,7 тонна қияр жиналып, сатылды. 2019 жылдың қазан айынан бастап жаңғырту жұмыстары жүргізілуде.

«Алма Дария» шаруа қожалығымен аумағы 0,7 га жылыжайдың құрылысы аяқталып, 2,0 млн. теңге инвестиция тартылды. Жылыжайдың қуаттылығы бір егістік айналымында 12 тонна. Алғашқы егістік айналымын отырғызу 2020 жылдың 1 тоқсанына жоспарланған.

«Ибраимова» шаруа қожалығымен 50 басқа арналған мал бордақылау алаңы салынды.

Мал шаруашылығы бойынша құс пен мал басының барлық түрлері көбейді.

2019 жылы 11,5% өсіммен 1165 тонна ет союға өткізілді, 8,0% өсіммен 3723 тонна сүт сауылды, 1,5 есе өсіммен 4182 мың дана жұмыртқа өндірілді.

Екі қолдан ұрықтандыру пункті жұмыс істейді. 2019 жылы 933 бас мал ұрықтандырылып, жылдық жоспар 103,7%-ке орындалды.

Ауыл шаруашылық малдарын вакцинациялау мен диагностикалық зерттеулер уақытылы жүргізілуде.

Алайда, бруцеллезге оң нәтиже берген 13 бас мал анықталды.

2019 жылы негізгі капиталға салынған инвестиция көлемі 6175,8 млн. теңгені құрады, нақты көлем көрсеткіші 91,5%. Инвестициялардың негізгі бөлігін – 4885,1 млн. теңгені немесе 79,1%-ін бюджеттік емес инвестициялар құрады, оның ішінде кәсіпорындардың өзіндік қаражаттары – 4885,1 млн. теңге. Бюджеттік инвестициялардың көлемі 1290,8 млн. теңгені құрады, немесе негізгі капиталға тартылған инвестициялардың 20,9%.

2019 жылы салықтар мен бюджетке түсетін басқа да міндеттеті төлемдерді жинау жоспары 103,0%-ке орындалып, 2436,5 млн. теңгені құрады, соның ішінде республикалық бюджетке - 1335,0 млн. теңге түсті немесе жоспарға 103,8%, жергілікті бюджетке – 1101,6 млн. теңге түсті немесе жоспарға – 102,1%.

Бюджеттің кірістер бөлігі түсімнің 20 түрі бойынша асыра орындалған.

Алайда, түсімнің 2 түрі бойынша орындалмаған: жер учаскелерін сатудан түскен түсімдер бойынша (96,8%), жер учаскелерін жалдау құқығын сату үшін төлем бойынша (98,8%).

Қала бюджеті шығыстар бойынша 99,4%-ке орындалды, немесе 4651,8 млн. теңгені құрады. Игерілмеген қаражат 26,3 млн. теңгені құрады.

Берешек сомасы 14,7 млн. теңгені құрады. Оның ішіндегі ең ірі борышкерлер жеке тұлғалар – 6,4 млн. теңге.

2019 жылдың 9 айы бойынша шағын және орта бизнес субъектілерінің саны 1504 бірлік, онда жұмыспен қамтылғандар саны 4086 адам, өндірілген өнім мен көрсетілген қызметтердің көлемі 10,8 млрд. теңгені құрады. Бюджетке түсткен салық көлемі 1,4 млрд. теңге. Бюджетке түскен түсімдердің жалпы көлемінде шағын және орта бизнес субъектілерінен түскен түсімдердің үлес салмағы 79,1%-ті құрады.

«Бизнестің жол картасы – 2020» бағдарламасы аясында 2019 жылы 6 кәсіпкерге: 2520,0 млн. теңгеге 2 субсидия, 10,0 млн. теңгеге 1 кепілдендіру, 6,0 млн. теңгеге 3 грант берілді.

2019 жылы «Нәтижелі жұмыспен қамтуды және жаппай кәсіпкерлікті дамыту» бағдарламасы аясында 9 адам 65,9 млн. теңге көлемінде шағын несие алды және 2,0 млн. теңгеге 1 жоба кепілдендірілді. Жаңа бизнес идеяларды жүзеге асыру үшін 85 жеке кәсіпкерге 36,6 млн. теңге көлемінде мемлекеттік грант берілді.

Кәсіпкерлерге ақпараттық-косультациялық көмек көрсету үшін, қалалық кәсіпкерлер палатасының жанында кәсіпкерлерге қызмет көрсету орталығы жұмыс жасайды. Орталықпен 1060 қызмет көрсетіліп, «Бастау Бизнес» жобасы бойынша 50, «Бизнес-Кеңесші» жобасы бойынша 77, «Жас кәсіпкер» жобасы бойынша 21 адам кәсіпкерлік негіздеріне оқытылды.

Әлеуметік маңызы бар 19 түрлі азық-түлік өнімдеріне, жаңар – жағар май бағалары мен жанар-жағар май құю станцияларының қажеттілігіне тұрақты мониторинг жүргізілуде.

Қала әкімшілігі мен сауда объектілері арасында әлеуметтік маңызы бар тауарларға (10%) және 1-сортты нанға (5%) ең төменгі үстеме баға орнату туралы 9 меморандумға қол қойылды.

Әлеуметтік маңызды тауарларды нарықтағы бағадан 10-15%-ке арзан сататын 5 әлеуметтік дүкен жұмыс істейді.

«Текелі ГМЗ» ЖШС-нің фирмалық павильоны жұмыс істейді, мұнда сүт өнімдері зауыттың бағасымен тікелей сатылады.

Ауыл шаруашылығының 16 маусымдық жәрмеңкесі өткізіліп, онда 38,0 млн. теңгенің 78,9 тонна өнімі саудаланды.

Қалада туризмнің 13 нысаны жұмыс істейді. Ақылы туристік - сауықтыру қызметтерінің көлемі 146,4 млн.теңгені құрады. Туристік ұйымдармен 5256 адамға қызмет көрсетілді.

Құрылыс жұмыстарының көлемі 1986,6 млн. теңгені құрады, нақты көлем көрсеткіші 93,1%. Қолданысқа 5,3 мың шаршы метр тұрғын үй енгізілді, оның ішінде 2,9 мың шаршы метр жеке тұрғын үй құрылысы.

«Нұрлы жер» бағдарламасы аясында 40 пәтерлі тұрғын үй қолданысқа енгізілді.

Тағы екі 40 пәтерлі тұрғын үйдің құрылысына жобалық-сметалық құжаттама дайындалды.

Есепті кезеңде жолаушылар тасымалының көлемі артып, 10 млн. 923 мың адамды құрады, жолаушылар айналымы 107,5%. Автокөлік құралдарымен 2,5 млн. тоннадан астам жүк тасымалданып, жүк айналымы 85,3 млн. тонн/км. құрады.

«Өңірлерді 2020 жылға дейін дамыту» бағдарламасы аясында кәріз жүйелері мен «Металлург» шағын ауданының магистральді жылу жүйелерін қайта жаңғырту бойынша екі жоба жүзеге асырылып, барлығы 24,5 км кәріз жүйесі мен 5,01 км жылу жүйесі қайта жаңғыртылды.

12 қоқыс бөліктерін орнату бойынша жұмыстар жүргізіліп, 33 евро контейнерлер орналастырылды.

Жылыту маусымы үзіліссіз және апатты жағдайсыз өтуде.

2019 жылы қаланың төрт көшесі бойынша (3,2 км) орташа жөндеу жұмыстары және орталық көшелер бойынша 6,1 мың шаршы метр жолға ағымдағы жөндеу жұмыстары жүргізілді.

Қаланың экономикалық белсенді халқы 18,6 мың адамды құрайды, оның ішінде жұмыспен қамтылғандар – 17,7 мың адам, жұмыссыздар саны 896 адам. Орташа еңбекақы көлемі – 112517 теңге. 2019 жылы 495 жаңа жұмыс орны құрылды. Жұмыссыздық деңгейі – 4,8%.

«Нәтижелі жұмыспен қамтуды және жаппай кәсіпкерлікті дамыту» бағдарламасы аясында қысқа мерзімді кәсіби оқуға - 221 адам, әлеуметтік жұмыс орнына – 14 адам, жастар тәжірибесіне - 40 түлек жолданып, қоғамдық жұмыстарға 233 адам тартылды.

Өзін – өзі жұмыспен қамтыған халықтың қызметін заңдастыру бойынша жұмыстар жүргізілуде. 4490 азаматтын мәртебесі анықталып, оның 3890 – өзектендірілді, бұл 86,5%-ті құрайды. Тұрғындар арасында түсіндіру жұмыстары жалғастырылуда.

Қалада 415 көпбалалы отбасы тұрады. Олардың отбасылық жағдайы және табыс деңгейі анықталып, әлеуметтік карта толтырылды.

2019 жылы 3697 отбасы мүшелеріне 427,2 млн. теңгеге атаулы әлеуметтік көмек тағайындалды. Тұрғын үй көмегін 512 адам алды.

2019 жылы 135 мүгедек санаторлық-курорттық емделуге жіберілді, 25 мүгедекке протездік-ортопедиялық көмек көрсетілді, сурдотехникалық құралдар – 5, тифлотехникалық құралдар – 6 адамға, 14 мүгедекке кресло – арба берілді, міндетті гигиеналық құралдармен 121 мүгедек қамтамасыз етілді.

Көп балалы отбасыларды тұрғын үймен қамтамасыз ету үшін 25 пәтер сатып алынды. Демеушілер есебінен 5 көп балалы отбасына тұрғын үй сатып алынды.

«Бақытты отбасы» бағдарламасы аясында қаланың 8 тұрғыны баспана алды.

Жеке тұрғын үйлерге улы газға қарсы 514 сезбек орнатылды. Аз қамтылған отбасыларынан шыққан 113 балаланың, балабақшаға бару шығындары субсидияланды. Көп балалы аналардың 6,0 млн. теңгеге жол жүру ақысы бойынша шығындары өтелді.

Барлық мектептер кең жолақты интернетке қосылған. Мектептерде электронды журнал мен күнделік жүйелері еңгізілген. №1, №5, №8 орта мектептерде ІТ сыныптар орнатылған, №4, №5 орта мектептерде робототехника сыныбы жұмыс істейді. 644 компьютер техника жиынтығы бар, 1 компьютерге келетін оқушылар саны 6,9 баланы құрайды.

Қала мектептерінде – 437 педагог маман жұмыс істейді, оның ішінде, 95 - жоғары санатты, 101 – бірінші санатты, 124 – екінші санатты мамандар. Педагогикалық шеберліктің жаңа форматында біліктілікттен өткен педагогтар: «педагог-шебер» - 2, «педагог-зерттеуші» - 46, «педагог-эксперт» - 42, «педагог-модератор» - 60.

2018-2019 оқу жылынын қорытындысы бойынша білім сапасы – 65,0%-ті құрады. Жылдан жылға ұлттық бірыңғай тестілеудің көрсеткіштерінің өсу динамикасы байқалады, 2019 жылы орташа көрсеткіш 93,3 баллды құрады.

2019 жылғы 133 мектеп түлектерінің 64 мемлекеттік грант иегері атанды, оның ішінде 13 шетелдік ЖОО.

Қаланың 8 тұрғыны облыс әкімінің гранты бойынша жоғары білім алуда, оның ішінде 1-педагогикалық, 7-медициналық.

«Үздік орта білім беру ұйымы» облыстық конкурсында №8 орта мектебіне 34,0 млн. теңге грант берілді. «Үздік сынып жетекшісі-2019» номинациясы бойынша №6 орта мектебінің мұғалімі 1 орын, «Үздік жыл мұғалімі-2019» номинациясы бойынша №5 орта мектебінің мұғалімі 3 орынды иеленді.

Облыстық «Дарын» ғылыми жобалар жарыстарында 11 жүлделі орын алынды.

«Мектепке жол» республикалық акциясы бойынша қала мектептерінің 500 оқушысы 4 млн. 900 мың теңге көлемінде материалдық көмек алды.

Көпбалалы және аз қамтылған отбасылардан шыққан – 710 балала ыстық тамақпен қамтылды.

Қалада 870 баланы қамтитын 5 балабақша жұмыс істейді, шағын орталықтарда 150 бала тәрбиеленуде. Мектеп жасына дейінгі балаларды мектепке дейінгі тәрбиемен қамту 100%-ті құрайды.

Балалардың өмірі мен қауіпсіздігін қамтамасыз ету мақсатында қаланың барлық білім беру мекемелерінде бейнебақылау камералары орнатылды.

«Дипломмен ауылға» бағдарламасының аясында Рудничный ауылының мектебінде жұмыс істейтін 3 маманға тұрғын үй сатып алу үшін бюджеттік кредит және 2 маманға көтерме жәрдемақы берілді.

Жазғы кезеңде барлық мектептерде мектеп жанындағы лагерьлер жұмыс істеп, барлығы 3860 бала демалды, бұл 95,8% құрады. «Алтын Шажа» лагерінде аз қамтылған отбасыларынан 160 бала демалды.

Кәмелетке толмағандар істері жөніндегі бөлімде 10 оқушы есепте тұр, олармен 6 қылмыс жасалынған.

Денсаулық сақтау саласын қаржыландыру үшін облыстық бюджеттен 845,2 млн. теңге бөлінді.

Қалалық аурухананың барлық мекемелері интернет желісіне қосылған, компьютер техникасымен қамтылу 100%. Көрсетілетін медициналық көмектің сапасын арттыру үшін, науқастарға қашықтан кеңес беру және электронды құжат айналымы түрінде цифрландыру енгізілді. Қаланың барлық тұрғындарына «Осы жерде және қазір» принципі бойынша ақпарат енгізілетін пациенттің электрондық картасы толтырылған.

2019 жылы «Достық» шағын ауданының дәрігерлік амбулаториясын орналастыру үшін ғимарат сатып алынды.

Жалпы аурулар санының 834 жағдайға, туберкулез ауруларының 4 жағдайға, вирустық гепатит ауруларының 5 жағдайға азайуы байқалуда.

Алайда, бруцеллез ауруларының 2 жағдайға, нәресте өлімінің 2 жағдайға, ана өлімінің 1 жағдайға көбейуі байқалуда. Медициналық кадрлардың тапшылығы бар.

2019 жылы 904 мәдени – бұқаралық іс шаралар өткізіліп, 78 мыңнан астам адамды қамтыды.

Қала жастарымен 110 іс-шара өткізіліп, 10,0 мыңнан астам адам қатысты.

Қалада дене шынықтыру және спортпен тұрақты түрде айналысатын тұрғындардың саны 9413 адам, бұл халықтың 29,6% құрайды.

2019 жылы 40 қалалық спорттық шаралар ұйымдастырылып, 32 облыстық жарыстарға қатыстық.

«Рухани жаңғыру» бағдарламасы мен «Ұлы даланың 7 қыры» мақаласының аясында 106 іс- шара өткізіліп, 12126 адам қамтылды.

Оның ішінде, «Туған жер» жобасы аясында меценаттар мен демеушілер 31,1 млн.теңгеге көмек көрсетті.

Қалада 22 үкіметтік емес ұйым тіркелген. Мемлекеттік әлеуметтік тапсырыс аясында үкіметтік емес ұйымдармен 40 іс-шара өткізіліп, 6,5 мың адам қамтылды.

2019 жылы қала әкімінің атына 823 өтініш түсті, оның ішінде жеке тұлғалардан – 704, заңды тұлғалардын - 119.

Қаланың 11 мемлекетті мекемесімен 103 түрлі мемлекеттік қызмет көрсетіледі. 2019 жылы халыққа 20967 мемлекеттік қызмет көрсетілді, оның ішінде: қағаз түрінде - 1391 қызмет, электрондық түрде – 5415 қызмет, мемлекеттік корпорация арқылы – 3255 қызмет.

Қаланың криминогендік жағдайы келесі көрсеткіштермен сипатталады.

Қалада 384 қылмыс тіркеліп, қылмыстың ашылуы 91,5%-ті құрады.

Адам өлтіру 6 жағдайға, бөтеннің мүлкін ұрлау 5 жағдайға, көлік құралдарын ұрлау 5 жағдайға, алаяқтық 8 жағдайға, тонау 3 жағдайға, есірткі қылмыстары 4 жағдайға азайды.

Сонымен қатар, ауыр қылмыстар саны 20 жағдайға, зорлау 2 жағдайға, қарақшылық 2 жағдайға, бұзақылық 6 жағдайға, жол жүру ережелерін бұзу 3 жағдайға көбейген.

 

 

«Текелі қаласының экономика және

бюджеттік жоспарлау бөлімі»

мемлекеттік мекемесінің басшысы Ф. Мырзахметова