Текелі қаласының 2018 жылға
арналған азаматтық бюджеті
Қалалық бюджет Қазақстан Республикасының Бюджет кодексіне, Қазақстан Республикасының «2018-2020 жылдарға арналған республикалық бюджет туралы» Заңына, «Салық және бюджетке басқада міндетті төлемдер туралы» кодексіне сәйкес, Президенттің Қазақстан халқына Жолдауларында қойылған мақсаттар, жалпы сипаттағы трансферттерді есептеу және кірістерді болжау әдістемелері негізінде қалыптастырылған.
Сонымен қатар, бюджетті қалыптастыру барысында:
- Мемлекеттік және салалық бағдарламалар, сонымен қатар Текелі қаласының 2016-2020 жылдарға арналған даму бағдарламасы назарға алынды.
Қала бюджеті экономика және бюджеттік жоспарлау бөлімімен жыл сайын жоспарлы кезеңге әзірленеді.
Облыстың әлеуметтік-экономикалық даму болжамы негізінде жоспарлы кезеңге қала бюджеті әзірленіп, қаланың бюджеттік комиссиясына қарастыру үшін ұсынылады.
«Қоғамдық кеңестер туралы» Қазақстан Республикасының Заңына сәйкес құрылған қоғамдық кеңестің отырысында қала бюджетінің жобасын талқылау жүргізеді.
2018-2020 жылдарға арналған қалалық бюджет Текелі қалалық мәслихатаның 2017 жылғы 21 желтоқсандағы № 21-136 шешімімен бекітілген.
Ескерту: Бюджеттің 2018 жылға параметрлері Текелі қалалық мәслихатының 2018 жылғы 02 наурыздағы № 22-141, 2018 жылғы 24 сәуірдегі № 25-161, 2018 жылғы 7 тамыздағы № 27-172, 2018 жылғы 21 қарашадағы № 29-183 шешімдеріне сәйкес енгізілген өзгерістер есебімен.
1-бөлім. Текелі қаласының 2018-2020 жылдарға әлеуметтік-экономикалық дамуының негізгі көрсеткіштері
Қазақстан Республикасының 2017 жылғы 30 қарашадағы «2018-2020 жылдарға арналған республикалық бюджеті туралы» № 113-VI Заңымен 2018 жылдың 1 қаңтарынан келесідей белгіленген:
теңге
|
Көрсеткіштер
|
2017 жыл
|
2018 жыл
|
|
Айлық есептеу көрсеткіші
|
2269
|
2405
|
|
Еңбекақының төменгі мөлшері
|
24459
|
28284
|
|
Зейнетақының төменгі мөлшері
|
28148
|
33745
|
2- бөлім. Бюджет кірістері мен шығыстары
Бюджет кірістері
Қалалық бюджеттің 2018 жылға өзіндік кірістері – 328,7 млн. теңге сомасында анықталды.
Кірістер түсімінің жалпы көлемінде салықтық түсімдер – 84,9%-ды немесе 279,2 млн. теңгені, салықтық емес түсімдер – 5,2%-ды немесе 17,0 млн. теңгені, негізгі капиталды сатудан түсетін кірістер – 9,9%-ды немесе 32,5 млн. теңгені құрайды.
Салық түсімдерінің негізгі көздері болып көлік құралдарына салынатын салық (27,5%), жеке табыс салығы (18,4%), мүлікке салынатын салық (22,4%), табиғи және басқа да ресурстарды пайдаланғаны үшiн түсетiн түсiмдер (6,6%). Сондай-ақ негізгі капиталды сатудан түсетін кірістер (9,9%) және басқалар (15,2%).
Салықтар және басқа да төлемдер көлемі бекітілген Бюджет түсімдерін болжамдау әдістемесіне сәйкес есептелді.
2018 жылға нысаналы трансферттер көлемі 1 639,1 млн. теңгені құрады, соның ішінде:
|
Жыл
|
Ағымдағы трансферттер (млн. теңге)
|
Даму трансферттері (млн. теңге)
|
||||
|
Республикалық бюджет
|
Облыстық бюджет
|
Барлығы
|
Республикалық бюджет
|
Облыстық бюджет
|
Барлығы
|
|
|
2018
|
165,3
|
925,4
|
1090,7
|
402,7
|
145,7
|
548,4
|
Бюджет шығыстары
2018 жылға қалалық бюджеттің шығыстары 3 599,4 млн. теңгені құрады, соның ішінде функционалдық топтар бойынша:
|
Функционалдық топ
|
Нақты 2017 жыл
|
2018 жыл
жоспар
|
2017 жылға өсім %
|
2019 жыл жоспар
|
2018 жылға өсім %
|
2020 жыл жоспар
|
2019 жылға өсім %
|
|
Білім беру
|
1239,9
|
1467,1
|
118,3
|
1523,0
|
119,6
|
1451,4
|
95,3
|
|
Әлеуметтік көмек және әлеуметтік қамтамасыз ету
|
258,0
|
291,5
|
113,0
|
335,5
|
113,8
|
339,9
|
101,3
|
|
Тұрғын үй-коммуналдық шаруашылық
|
769,8
|
885,0
|
115,0
|
369,2
|
43,0
|
341,4
|
92,5
|
|
Мәдениет, спорт, туризм және ақпараттық кеңістiк
|
94,4
|
161,9
|
171,5
|
90,8
|
89,1
|
94,4
|
104,0
|
|
Ауыл, су, орман, балық шаруашылығы, ерекше қорғалатын табиғи аумақтар, қоршаған ортаны және жануарлар дүниесін қорғау, жер қатынастары
|
37,9
|
45,4
|
119,8
|
43,6
|
113,0
|
45,9
|
105,3
|
|
Көлiк және коммуникация
|
166,1
|
171,1
|
103,0
|
174,4
|
100,1
|
174,7
|
100,2
|
|
Басқалар
|
549,2
|
577,4
|
105,1
|
680,6
|
131,1
|
254,3
|
37,4
|
Жалпы шығындардың 53,4%-ын (1920,4 млн. теңге) әлеуметтік сала құрайды.
Білім беруде саласында келесі шығындар көзделген:
-
жетім баланы (жетім балаларды) және ата-аналарының қамқорынсыз қалған баланы (балаларды) күтіп-ұстауға асыраушыларына ай сайынғы ақшалай қаражат төлемдеріне – 18,1 млн. теңге;
-
оқу кезеңінде негізгі қызметкерді алмастырғаны үшін жергілікті бюджеттің шығындарын өтеуге – 3,5 млн. теңге;
-
бастауыш, негізгі орта және жалпы орта білім беру бағдарламаларын жаңартылған бағдарламада жүзеге асыратын мұғалімдерге үстеме ақыға – 86,6 млн. теңге;
-
ағымдағы жылдың 1 қыркүйегінен қолданысқа енгізілетін педагогикалық-шеберлік үшін – 5,2 млн. теңге;
-
тілдік курстар бойынша тәжірибе өткен мұғалімдерге үстеме ақыға – 1,3 млн. тенге;
-
қаланың мемлекеттік білім беру мекемелерінде білім беру жүйесін ақпараттандыруға – 9,5 млн. теңге;
-
қаланың мемлекеттік білім беру мекемелері үшін оқулықтар мен оқу-әдiстемелiк кешендерді сатып алу және жеткізуге – 45,0 млн. теңге;
-
жергілікті өкілдік органдардың шешімі бойынша білім беру ұйымдарының күндізгі оқу нысанында білім алушылар мен тәрбиеленушілерді қоғамдық көлікте (таксиден басқа) жеңілдікпен жол жүру түрінде әлеуметтік қолдауға – 2,3 млн. теңге.
Әлеуметтік қамсыздандыруда келесі шығындар көзделген:
-
еңбек ақыны субсидиялауға – 4,0 млн. теңге;
-
жастар тәжірибесіне – 10,8 млн. теңге;
-
кәсіптік оқуға – 31,9 млн. теңге;
-
қоғамдық жұмыстарға – 32,4 млн. теңге;
-
жаңа бизнес идеяларды жүзеге асыруға – 6,3 млн. теңге;
-
Қазақстан Республикасының Заңнамасына сәйкес Ауылдық жерлерде тұратын денсаулық сақтау, білім беру, әлеуметтік қамтамасыз ету, мәдениет, спорт және ветеринар мамандарына отын сатып алуға әлеуметтік көмек көрсетуге – 0,4 млн. теңге;
-
тұрғын үй көмегін көрсетуге – 14,5 млн. теңге;
-
облыс Әкімінің гранты бойынша студенттерді оқытуға -5,2 млн. теңге,
-
ҰОС қатысушылары мен мүгедектеріне берілетін бір реттік материалдық көмекке - 2,3 млн теңге;
-
туберкулездің ауыр түрімен ауыратын науқастарға әлеуметтік көмек көрсетуге – 0,9 млн. теңге;
-
Қазақстан Республикасында 2012-2018 жылдарға мүгедектердің құқықтарын қамтамасыз ету және өмір сүру сапасын жақсарту жөніндегі іс-шаралар жоспарын іске асыруға – 3,7 млн. теңге.
Мәдениет және спорт бойынша негізгі міндеттер болып төмендегілер табылады:
- кешенді спорттық жалпы шараларды өткізу, қалалық және облыстық сайыстарға қатысу.
- үкіметтік емес ұйымдарды мемлекеттік қолдауға қатысты іс-шараларды іске асыруға.
Тұрғын-үй коммуналдық шаруашылығы саласында:
Апатты үйлерден көшіріп, тұрғын үймен қамтамасыз ету үшін 14 пәтер алуға 69,1 млн. теңге қарастырылды.
Автокөлік жолдарының сапасын арттыру және жақсы қанағаттанарлықтай жағдайда үстау үшін 2018 жылдың бюджетінде 171,1 млн.теңге сомасында қаражат қарастырылды (автокөлік жолдарын орташа жөндеуге, ағымдағы жөндеуге, автомобиль жолдарын қысқы және жазғы мерзімде ұстауға, жобалық-сметалық құжаттама әзірлеуге).
Өңірлерді дамытудың 2020 жылға дейінгі бағдарламасының аясында инвестициялық жобаларды жүзеге асыруға («Металлург» шағын ауданының магистралдық жылу жүйелерін қайта жаңғыртуға, көше жарықтандырғыштарын орнатуға, тротуарларды ағымдағы жөндеуге.) 289,2 млн. теңге қарастырылды.
«Өңірлерді дамыту» бағдарламасы аясында 0,6 млн. тенге Рудничный ауылындағы асфальт жабыны бар жолдарды ағымдағы жөндеуге бөлінді.
Барлау ұңғымаларын бұрғылау жобасын аяқтауға 81,5 млн. теңге, Қора өзені арқылы өтетін су өткізгішті қалпына келтіруге жобалық-сметалық құжаттама даярлауға 2,5 млн. теңге, кәріз жүйесін қайта жаңғыртуға 402,7 млн. теңге, Текелі қаласында 40 пәтерлі тұрғын үйдің құрылысы бойынша мемлекеттік сараптамадан өткізе отырып, жобалық-сметалық құжаттама даярлауға – 10,3 млн. теңге, Текелі қаласында 40 пәтерлі тұрғын үйді абаттандыру және инженерлік - коммуникациялық жүйелерінің құрылысы бойынша мемлекеттік сараптамадан өткізе отырып, жобалық-сметалық құжаттама даярлауға – 2,7 млн. теңге қаражат бөлінді.
Ауданның (облыстық маңызы бар қаланың) жергілікті атқарушы органының резервіне 6,4 млн. теңге қарастырылды.
Шығыстар саясаты ағымдағы шығыстар денгейін экономиканың өсу қарқынынан аспайтын шекте тежеу қағидасына сәкес келетін болады.
3-бөлім. Бюджет тапшылығы (профицитi)
Бюджет тапшылығы (профицитi) (-) 29,6 млн. теңгені құрады. Бюджет тапшылығын қаржыландыру 29,6 млн. теңге сомасындағы бюджет қаражатының пайдаланылатын қалдықтары есебінен бюджет тапшылығын жабу жолымен қамтамасыз етілді.
2017 жылға арналған облыстық маңызы бар қаланың бюджетінің атқарылуы туралы есеп
2018 жылғы 1 ақпанға арналған облыстық маңызы бар қаланың бюджетінің атқарылуы туралы есеп
2018 жылғы 1 наурызына арналған облыстық маңызы бар қаланың бюджетінің атқарылуы туралы есеп
2018 жылғы 1 сәуірге арналған облыстық маңызы бар қаланың бюджетінің атқарылуы туралы есеп
2018 жылғы 1 мамырға арналған облыстық маңызы бар қаланың бюджетінің атқарылуы туралы есеп
2018 жылғы 1 маусымына арналған облыстық маңызы бар қаланың бюджетінің атқарылуы туралы есеп
2018 жылғы 1 шілдесіне арналған облыстық маңызы бар қаланың бюджетінің атқарылуы туралы есеп
2018 жылғы 1 тамызына арналған облыстық маңызы бар қаланың бюджетінің атқарылуы туралы есеп
2018 жылғы 1 қыркүйегіне арналған облыстық маңызы бар қаланың бюджетінің атқарылуы туралы есеп
2018 жылғы 1 қазанына арналған облыстық маңызы бар қаланың бюджетінің атқарылуы туралы есеп
2018 жылғы 1 қарашасына арналған облыстық маңызы бар қаланың бюджетінің атқарылуы туралы есеп
2018 жылғы 1 желтоқсанына арналған облыстық маңызы бар қаланың бюджетінің атқарылуы туралы есеп
Текелі қаласының 2018-2020 жылдарға арналған азаматтық бюджеті (слайд)
Текелі қаласының 2017-2019 жылдарға арналған азаматтық бюджеті (слайд)
Текелі қаласының 2016-2018 жылдарға арналған азаматтық бюджеті (слайд)
Текелі қаласының 2015-2017 жылдарға арналған азаматтық бюджет (docx 198 КБ)
Текелі қаласының 2014-2016 жылдарға арналған азаматтық бюджеті docx (618KБ)
Текелі қаласының 2013-2015 жылдарға арналған азаматтық бюджеті
