I тоқсан

2017 жылдың 01 сәуіріне Текелі қаласының барлық жерлері 9387 га, құрады, оның ішінде қала аумағына кірмейтін жерлер 2394 гектар, қала аумағы 7008 гектар және басқа ауданның жер пайдаланушылары қолданатын жерлер 15 гектар құрайды. Қала қолданысындағы барлық ауылшаруашылық алқаптары 4410 гектар жерлерді құрайды, оның ішінде егістік жерлері 911 гектар, көп жылдық екпелері 210 гектар, тыңайған жерлер 150 гектар, шабындық 74 гектар, жайылым 2975 гектар және 90 гектар бақша жерлері.

2017 жылдың 01 қаңтарына бекітілген жылдық есеп бойынша Текелі қаласында 62 шаруа қожалықтары тіркелген, олардың қолданыстағы жерлері 2018 га құрайды, оның ішінде 476,0 гектар егістік жерлер оның суармалысы 226,0 гектар. 3 мемлекеттік емес заңды тұлғалар қолданатын ауыл шаруашылық мақсатындағы жерлер 556,0 гектар құрайды, 14,0 гектары суармалы көпжылдық екпелер және 430,0 гектар жерлері жайылым алқаптары.

2017 жылдың I тоқсанында жер қатынастары бөліміне жер қатынастары саласы бойынша барлығы 91 жеке тұлғалардың және 7 заңды тұлғалардың өтініштері мен шағымдары түсті. Олар барлығы қалалық жер мәселесі бойынша комиссия отырысына шығарылып тиісті шешімдері мен жауаптарын алды. Жеке тұрғын үй бағдарламасына сәйкес 2005 жылмен 2017 жылдың 01 сәуіріне аралығында «Достық» шағын ауданынан тұрғын үй салуға жер учаскелерін сұрап барлығы 1332 өтініш, оның ішінде 2017 жылдың I тоқсанында 17 өтініш түсті.

Қазақстан Республикасы Үкiметiнiң 2006 жылғы 1 тамыздағы № 726 Қаулысымен бекітілген «Жеке тұрғын үй құрылысы үшiн жер учаскелерiне құқық беру ережесiн бекiту туралы» Ережесіне сәйкес 2017 жылдың 1 сәуіріне қала бойынша 280 жер учаскелері тұрғын үй құрылысы үшін берілді.

Алайда, 2017 жылдың 1 сәуіріне тұрғын үй салуға берілген бірақта нысаналы мақсаты бойынша пайдаланылмаған және де құрылыс жұмыстары жүргізілмеген 9 жер пайдаланушылардың жер пайдалану құқықтары, тоқтатылып жер учаскелері мемлекеттке қайтарылды.

Бөлім 2017 жылдың I тоқсанында барлығы 149 мемлекеттік қызметтер көрсетті, оның ішінде жерге орналастыру жобасын бекіту мемлекеттік қызметі - 121; жер учаскелерінің нысаналы мақсатын өзгертуге рұқсат беру мемлекеттік қызметі- 4; нақты жер учаскелерінің кадастрлық (бағалау) құнын бекіту мемлекеттік қызметі – 24.

2017 жылдың I тоқсанында Бөлім Текелі қаласының әкімдігінің отырысына қарауға жер учаскелірін беру, жер учаскелерінің пайдалану мақсатын өзгерту және басқада жер мәселелері бойынша 36 қаулы жобаларын дайындады.

Бөлім өз тарапынан қала бойынша иесіз зат ретінде есепте тұрған бұрынғы қираған, бұзылған (иелері тастап кеткен) үйлердің жер учаскелерін мемлекет меншігіне қайтару жұмыстарын жүргіп келеді. Қазіргі уақытта әділет басқармасында қала бойынша 120 қираған үйлердің жер учаскелері иесіз зат ретінде тіркеуде тұр.

2012 - 2016 жылдар аралығында Текелі қалалық сотынын шешімімен 50 қираған үйлерге жеке меншік құқықтары тоқтатылып, олардың жер учаскелері (мемлекеттік) коммуналдық меншікке қайтарылды деп танылды.

Сонымен қатар, Бөлімде иесіз қалған саяжай учаскелерін анықтап, оларды иесіз зат ретінде әділет органдары арқылы есепке алу жұмыстары жалғасын табуда. 2015 жылы және 2017 жылдың I тоқсаны аралығында қаладағы бағбаңдық қоғамдарындағы иесіз жатқан саяжай учаскелері анықталып, әділет басқармасына иесіз зат ретінде есепке қойылды. Қазіргі уақытта барлығы 458 саяжай учаскелері, оның ішінде: «Алмаағаш» - 40, Автомобилист» -100, «Геолог» - 35, «Горняк-Текели»- 61, «Садовод» - 63, «Обогатитель» - 34, «Энергетик» - 55, «Радуга» - 45 және «Заря» -25 саяжай қоғамдарының учаскелері есепке қойылды.

Салық төлеу базасын кеңейту және қала бюджеттің кіріс бөлігін көбейту мақсатында және де салық заңдарының нормаларын орындауда Текелі қаласы бойынша мемлекеттік кіріс басқармасымен бірігіп Бөлімде бірқатар жұмыстар атқарылып келеді. Атап айтқанда, жер учаскелерін жеке меншікке сатудан 2017 жылдың I тоқсанына межеленген 790,0 мың теңге болжамының 2017 жылдың 01 сәуіріне, жер учаскелері 1974,8 мың теңгеге сатылды, бұл болжамның 250 % орындалғанын керсетеді.

Жер учаскелеріне уақытша өтеулі жер пайдалану құқығын сатудан 2017 жылдың I тоқсанына межеленген 150 мың теңге болжамының 2017 жылдың 01 сәуіріне 155 мың теңгеге сатылды, бұл болжамның 103,4 % орындалғанын керсетеді.

Атқарылған жұмыстармен қатар, бөлімде шешімін таппай жатқан мәселелерде бар, атап айтқанда, Иесіз зат ретінде тіркеуде тұрған қираған үйлердің жер учаскелерін мемлекет меншігіне қайтару жұмыстары өз деңгейінде жүргізілмей келеді.

«Текелі қаласының жер қатынастары бөлімі» мемлекеттік мекемесі нысаналы мақсаты бойынша пайдаланылмай жатқан бұрын жеке тұрғын үй құрылысы үшін уақытша өтеулі жер пайдалану құқығымен жер пайдалануға берілген жер учаскелерінің құқықтарын тоқтату жұмыстарын жүргізіп жатыр.

Кәзіргі уақытта екіжақты жасасқан жалдау шарттарын бұзу келісімдері негізінде, жеке тұрғын үй құрылысы үшін берілген жер учаскелеріне жер пайдалану құқықтары 2017 жылдың 20 мамырына 12 жер пайдаланушылардың құқықтары тоқтатылды.

Бұл бағытта жүмыс жалғастырылатын болады.

«Текелі қаласы жер қатынастары бөлімі» мемлекеттік мекемесі жер учаскелерін нысаналы мақсаты бойынша пайдаланылмаған немесе Қазақстан Республикасы заңдарын бұза отырып пайдаланылған коммерциялық мақсаттағы жер пайдаланушыларды анықтап және де олар туралы мәліметтерді «Алматы облысының жердің пайдаланылуы мен қорғалуын бақылау басқармасы» мемлекеттік мекемесіне Қазақстан Республикасының Заңдарында көрсетілген нақты шаралар қабылдау үшін, жіберу жұмыстары жүргізіп жатыр.

2017 жылдың 01 мамырына Текелі қаласы бойынша анықталған төменгі нысандардың тізімі аталған басқармаға жіберілді: