Навигация

Жаңғыру 3.0

Жалпы ақпарат

Баннерлер

Ақпарат

Баннеры

Негізгі » Бөлімдер » «Текелі қаласының жолаушылар көлігі және автомобиль жолдары бөлімі» ММ » Ереже

Ереже

«Текелі қаласының жолаушылар көлігі және автомобиль жолдары бөлімі» мемлекеттік мекемесі туралы ереже.


1.    Жалпы ережелер

1. «Текелі қаласының жолаушылар көлігі және автомобиль
жолдары бөлімі» мемлекеттік мекемесі (бұдан әрі — Бөлім) облыстық бюджет қаражатынан қаржыландырылатын атқарушы орган болып табылады.
2. Бөлімнің филиалдары мен өкілдіктері жоқ.
3. Бөлім өз қызметін Қазақстан Республикасының Конституциясы мен заңдарына, Қазақстан Республикасының Президенті мен Үкіметінің актілеріне, басқа да нормативтік-құқықтық актілерге, сондай-ақ осы Ережеге сәйкес жүзеге асырады.
4. Бөлімнің құрылтайшысы және уәкілетті органы Текелі қаласының әкімдігі болып табылады.
5. Бөлім  мемлекеттік мекеменің ұйымдық-құқықтық нысанындағы заңды тұлға болып табылады, мемлекеттік тілде өзінің атауы жазылған, мөрі және мөртабаны, белгіленген үлгідегі бланкісі, сондай-ақ Қазақстан Республикасының заңнамасына сәйкес Қазынашылық органдарда және банктерде есеп шоттары болады.
6. Бөлім өз атынан азаматтық-құқықтық қатынастарға түседі, егер ол Заңнамаға сәйкес өкілетті болса, мемлекет атынан азаматтық-құқықтық қатынастар тарабы болуға құқылы.
7. Бөлімді  қала  әкімдігі  құрады,  жояды  және   қайта   ұйымдастырады.
8. Бөлімнің ережесі,  құрылымы және штат санының лимиті  көрсетілген заңнамасына және заң талаптарына сәйкес жүзеге асырылады.
9. Бөлімнің толық атауы:
мемлекеттік тілде: «Текелі қаласының жолаушылар көлігі және автомобиль жолдары бөлімі» мемлекеттік мекемесі;
орыс тілінде: Государственное учреждение «Отдел пассажирского транспорта и автомобильных дорог города Текели».
10. Бөлім өз құзыретіндегі мәселелер бойынша белгіленген тәртіпте бөлім ішінде күші бар бұйрық түріндегі актілер шығарады.
11. Бөлімнің заңды мекен-жайы: индекс 041700, Алматы облысы, Текелі қаласы, Абылай хан көшесі, 34.
12. Осы Ереже Бөлімнің құрылтай құжаты болып табылады.

2.    Басқарманың мақсаттары, қызметінің мәні, негізгі функциялары

13. Бөлім қызметінің мәні Текелі қаласының аумағында жолаушылар көлігі және автомобиль жолдары саласында мемлекеттік басқару функцияларын жүзеге асыру болып табылады.
14. Бөлім қызметінің негізгі мақсаттары: стратегиялық мақсаттарды және басымдықтарды, қаланың әлеуметтік-экономикалық дамуының негізгі бағыттарын қалыптастыру, қаланың әлеуметтік-экономикалық даму басымдықтарымен қарым-қатынасты жағдайда жол саласы, көлікте және байланыста саясатты қалыптастыру, қала әкімінің және әкімдігінің тапсырмалары бойынша аса маңызды бағдарламаларды әзірлеуге және іске асыруға қатысу, сондай-ақ жол саласында, көлікті және байланысты тұрақтандыру саласында атқарушы органдардың қызметін үйлестіру болып табылады.

3. Басқарманың негізгі функциялары мыналар болып табылады:

15. қалалық маңызы бар жалпыға ортақ пайдаланылатын автомобиль жолдарын дамыту жоспарлары мен бағдарламаларын әзiрлеу және iске асыру;
16. қалалық маңызы бар жалпыға ортақ пайдаланылатын автомобиль жолдарын салу, реконструкциялау, жөндеу және күтiп ұстау жөнiндегi жұмыстарды Қазақстан Республикасының мемлекеттiк сатып алу туралы заңнамасына сәйкес ұйымдастыру;
17. қалалық маңызы бар жалпыға ортақ пайдаланылатын автомобиль жолдарының желiсiн басқару;
18. қаланың коммуналдық меншiгiндегi жолдарды және жол кәсiпорындарын басқару;
19. қаланың маңызы бар автомобиль жолдарын салу, реконструкциялау, жөндеу және күтiп ұстау жөнiндегi жұмыстарды жүргiзу кезiнде мемлекеттiк бақылауды жүзеге асыру;
20. қалалық маңызы бар жалпыға ортақ пайдаланылатын автомобиль жолдарын немесе олардың учаскелерiн өтеусiз уақытша пайдалануға беру туралы шешiм қабылдау;
21. жолаушылар мен багажды тұрақты ауданаралық (қалааралық) тасымалдаулар маршруттарын және қозғалыс кестелерiн бекiту;
22. жолаушылар мен багажды тұрақты қалааралық тасымалдау бойынша маршруттар мен қозғалыс кестесін келісу;
23. автовокзалдар мен автостанциялардың тiзiлiмiн жүргiзу;
24. жолаушылар мен багажды тұрақты облысiшiлiк қалааралық тасымалдау маршруттарының тiзiлiмiн жүргiзу;
25. шалғай елдi мекендерде тұратын балаларды жалпы бiлiм беретiн мектептерге тасымалдауды уйымдастыру;
26. қалаiшiлiк қатынастарда жолаушылар мен багажды автомобильмен тасымалдауды дамыту бағдарламасын әзiрлеу;
27. қалаiшiлiк қатынастарда жолаушылар көлiгiн дамытудың кешендi схемасын және жол қозғалысын ұйымдастыру жобаларын әзiрлеу;
28. жолаушыларды ауданаралық (қалааралық), қатынастарда әлеуметтiк мәнi бар тасымалдауларды жүзеге асыру кезiндегi тасымалдаушылардың залалдарын субсидиялауды жүзеге асыру;
29. мемлекеттік және қызметтік құпияларды, құпия іс жүргізуді сақтау жағдайларын қамтамасыз ету;
30. Бөлім  бастығы бекітетін бақылау іс-шаралары жоспарына сәйкес Бөлімнің ішкі бақылау қызметінің функцияларын орындау;
31. қызметтік құжаттар мен азаматтардың өтініштеріне есеп жүргізу және қарау, оларды қабылдауды ұйымдастыру;
32. оған заңнамамен жүктелген басқа да функцияларды жүзеге асыру.

4. Басқарманың өкілеттіктері

33. Өзінің негізгі функциясын жүзеге асыру үшін Бөлім өз құзыреті шегінде мыналарға құқылы:
1) жол шаруашылығы, көлік мәселелерінде жергілікті басқару органдарымен өзара әрекеттерді жүзеге асыруға;
2) автомобиль жолдарын күтіп ұстау, жөндеу және салуға қалалық бюджеттен қаржының мақсатты пайдаланылуына есептілігін жүзеге асыруға;
3) өз құзыреті шегінде жол, көлік және байланыс  саласын атқаратын кәсіпорындардан жеке меншік құрылымдарына  қарамастан бөлімге қатысты ақпараттар жинауды жүзеге асырады;
4)  заңнамалармен көзделген басқа да құқықтарды жүзеге асыруға.

5. Басқарманың мүлкі

34. Бөлімнің шұғыл басқару құқында қалалық коммуналдық меншікке жататын оқшаланған мүлкі болады.
35. Бөлімнің мүлкі оған құрылтайшы берген мүлік есебінен қалыптастырылады және ол негізгі қор мен айналым құралдарынан, сондай-ақ құны Бөлім балансында көрсетілетін өзге-де мүліктен құралады.
36. Бөлімнің  оған бекітілген мүлікті өздігінен иеліктен шығаруға немесе өзге тәсілмен иелік етуге құқылы емес.
37. Бөлімге заңнамамен белгіленген жағдайларда және шекте мүлікке иелік етуге құқығы берілуі мүмкін.

6. Басқарма қызметін ұйымдастыру

38.  Бөлімді қолданыстағы заңнамаларға сәйкес қала әкімі қызметке тағайындайтын және қызметтен босататын басшы басқарады.
39. Бөлім құрылымын басшы, оның қызметкерлері құрайды.
40. Бөлім  қызметкерлері Бөлім басшысы қызметке тағайындайтын және қызметтен босататын Бөлімнің  әкімшілік мемлекеттік қызметшілері болып табылады.
41. Бөлімді материалдық-техникалық, шаруашылық-тұрмыстық қамтамасыз етуді - бухгалтерлік есеп, есеп беру және кадр жұмысын Бөлімнің өзі жүзеге асырады.
42. Бөлім қызметшілерінің еңбегіне, ақы төлеу шарты және еңбекақы мөлшері Қазақстан Республикасының еңбек және мемлекеттік қызмет туралы заңнамаларына сәйкес айқындалады.
43. Зейнет жасына жеткен бөлім қызметшілерін зейнетақымен қамтамасыз ету мемлекеттік қызмет және зейнетақымен қамтамасыз ету туралы Қазақстан Республикасының заңнамасына сәйкес жүзеге асырылады.
44. Бөлім мен уәкілетті орган арасындағы өзара қарым-қатынас қолданыстағы заңнамаларға сәйкес айқындалады және реттеледі.
45.  Бөлімнің  әкімшілігі мен оның еңбек ұжымы арасындағы өзара қарым-қатынас қолданыстағы заңнамаға сәйкес айқындалады.

7. Басқарма бастығы

46. Басшы Бөлімнің жұмысын ұйымдастырып, басқарады және Бөлімге жүктелген қызметтер және міндеттерді орындауға дербес жауапкершілік атқарады.
47. Бөлімде мемлекеттік қызмет туралы заңнаманың орындалуын бақылайды;
48. ерлер мен әйлелдердің тең құқықтары мен тең мүмкіндіктерінің мемлекеттік кепілдіктері туралы заңнаманың сақталуын қамтамасыз етеді;
49. Бөлім қызметкерлерінің сыбайлас жемқорлыққа қарсы заңнаманы сақтауына дербес жауапкершілік атқарады.
50. Бөлімнің құрылымдық бөлімшелерінің жұмысын ұйымдастырып, бағыттайды, олардың өзара іс-әрекетін үйлестіреді.
51. «Мемлекеттік қызмет туралы» Заңға сәйкес:
мемлекеттік қызметшілердің бос әкімшілік қызметтерге орналасуға конкурстар ұйымдастырады. Олардың қорытындысы бойынша өз қызметкерлерінің  қызметке тағайындау және қызметтен босатуды әкіммен келіседі Бөлімнің қызметкерлерін тағайындайды және қызметтен босатады.
52. Қала әкімдігінің бекітуіне Бөлім туралы ережені, оның штат санының құрылымы мен лимитін ұсынады, еңбекақы төлеу қорын үнемдеу шегінде
мемлекеттік қызметшілерге үстемеақы, материалдық көтермелеу (сыйлықақы) белгілейді.
53. Бөлім өз құзыреті шегінде қызметтік құжаттамаға қол қояды.
54. Текелі қаласының жолаушылар көлігі және автомобиль жолдары бөлімінде ішкі еңбек тәртібін орнатады.
55. Нормативтік құқықтық актілер жобаларын және өзге-де құжаттарды қала  әкімдігі мен әкіміне қарауға ұсынады.
56. Бөлімнің ішкі бақылау қызметінің бақылау іс-шаралары жоспарын бекітеді.
57. Текелі қаласының жолаушылар көлігі және автомобиль жолдары бөлімінің аттестациялық комиссия құрамын бекітеді және басқарады.
58.Қолданыстағы заңнамаға сәйкес басқарма қызметкерлерін көтермелейді және оларға тәртіптік жаза қолданады.
59. Бөлімнің  шығыстар сметасын бекітеді, бюджетпен көзделген қаржылай қаражатқа билік жүргізеді.
60. Бөлімнің әкімшілік мемлекеттік қызметкерлерге қойылатын біліктілік талаптарының жинағын бекітеді.
61. Жеке құрам және негізгі құрам бойынша бұйрықтар шығарады, бөлімнің қызметшілерін іссапарларға жібереді.
62. Мемлекеттік органдарда, өзге-де ұйымдарда Бөлім атынан өкіл болады.
63. Басшының міндеттерін өз араларында бөлінген міндеттерге сәйкес атқарады және басшы болмай қалған жағдайда Бөлім басшысының тапсырмасымен, олардың біреуі оны алмастырады.
64. Оған қала  әкімі жүктеген өзге-де функцияларды жүзеге асырады.

8. Басқарманы қайта ұйымдастыру және тарату

65. Бөлімді  қайта ұйымдастыру және тарату Қазақстан Республикасының заңнамасына сәйкес жүзеге асырылады.
66. Таратылғаннан кейін Бөлімнің мүлкін бөлу тәртібі қолданыстағы заңнамаға сәйкес жүргізіледі.
67. Ережеге өзгерістер мен толықтырулар енгізу қолданыстағы заңнамаға сәйкес жүргізіледі.
68. Бөлімнің жұмыс  күндері аптасына бес күн, жұмыс уақыты 9:00-ден 18:30-ге дейін, тускі үзіліс 12:00 ден 14:00 дейін, демалыс күндер сенбі және жексенбі.


«Текелі қаласының жолаушылар көлігі
және автомобиль жолдары бөлімі»
мемлекеттік мекемесінің басшысының
міндетін уақытша орындаушы                         Ә. Даданбекова