Навигация

Жаңғыру 3.0

Жалпы ақпарат

Баннеры

Негізгі » Бөлімдер » «Текелі қаласының жұмыспен қамту және әлеуметтік бағдарламалар бөлімі» ММ » Атқарылған жұмыс бойынша ақпарат

Атқарылған жұмыс бойынша ақпарат

Текелі қаласының жұмыспен қамту және әлеуметтік бағдарламалар бөлімінің 2018 жылдың 01 қаңтарына атқарылған жұмыстар туралы ақпарат

Қалада экономикалық тұрғыдан белсенді халық 17512 адамды құрайды, жұмыспен қамтылған халықтың саны – 16629 адам, соның ішінде: жалдамалы қызметкерлер 11218, өз бетінше жұмыспен қамтылғандар 5411, жұмыспен қамту деңгейі – 95,0 пайыз, жұмыссыздықтың деңгейі 5 пайызды құрады.

Жұмыспен қамту сұрақтары бойынша жүгінгендердің саны 1253 адам, жұмыспен қамтылғандар –1066, Кешенді жоспардың көрсеткіштері 12 айда 1478 адамды құрады, немесе 109,1%.

Ақылы қоғамдық жұмыстарға 323 жұмыссыз азамат жолданды.

Жастар тәжрибесіне 33 жас маман қаланың мекемелер мен ұйымдарына жолданды;

Әлеуметтік жұмыс орындарына 29 адам жолдама алды.

Қысқа мерзімді кәсіптік оқуға 251 адам жолданды.

Текелі қаласы бойынша барлық мүгедектердің саны – 1084. Оның ішінде:

1 топ мүгедектері – 98; 2 топ мүгедектері – 494; 3 топ мүгедектері – 416, мүгедек балалар – 78. Қала мектептерінде 34 мүгедек бала оқиды, кәсіптік колледжінде 2 мүгедек студент білім алуда. Еңбекке қабілетті мүгедектердің саны 315, оның ішінде жұмыс істейтіндер 180, 43 мүгедек жеке кәсіпкер.

Ағымдағы жылы 39 мүмкіндігі шектеулі азамат жүгінді, оның ішінде 17 адам тұрақты жұмыспен қамтылды, жастар тәжірибесіне жолданғандар – 2, қоғамдық жұмыстарға – 14 адам жолданды, кәсіптік оқуға 5 адам жолданды, әлеуметтік жұмыс орындарына 1 адам жолданды.

Жыл басынан бас бостандығынан айыру мекемелерінен босатылған 2 адам және пробация бөлімінде тіркеуде тұрған 15 адам жұмыспен қамту сұрақтары бойынша жүгінді. Тұрақты жұмыспен бас бостандығынан айыру мекемесінен босатылған 1 азамат қамтылды, әлеуметтік жұмыс орындарына пробация бөлімінде тіркеуде тұрған 1 азамат жолданды, қысқа мерзімді кәсіптік оқуға 6 адам жолданды.

2017 жылы Текелі қаласы бойынша 345 жаңа жұмыс орнын құруды жоспарланды, 12 айда 359 жаңа жұмыс орын құрылды, оның ішінде: өнеркәсіпте 52, құрылыста 60, ауыл шаруашылықта 39, денсаулық сақтауда 7, басқаларда 201.

Халықтың әлеуметтік әлжуаз санатына жататын азаматтарымен жұмыс жүргізіледі.

Жыл басынан мемлекеттік атаулы әлеуметтік көмекке жүгінген 3 отбасы, осы отбасының 12 мүшесіне 457,0 мың теңге көлемінде төленді.

18 жасқа дейінгі балаларға төленетін жәрдемақысы 377 балаға 6424,0 мың теңге көлемінде төленді.

Тұрғын үй көмегі 443 алушыға 11517,0 мың теңге төленді.

Өрлеу жобасы бойынша 73 отбасы, 353 отбасы мүшелері көмек алып отыр, оның ішінен 72 адам жұмыспен қамту орталығымен әлеуметтік келісім шартқа отырып, 10 адам қоғамдық жұмыстарға, 2 адам әлеуметтік жұмыс орындарына, 10 адам кәсіптік оқуға жолдама аллды, тұрақты жұмыспен 50 адам қамтылды, жастар тәжрибесіне 1 адам жолдама алды. Өрлеу жобасына 15334,675 мың теңге тағайындалды.

Үйде оқытылатын және тәрбиеленетін 32 мүгедек балаларға 1102,485 мың теңге жәрдемақы төленді.

Мүгедектерді оңалту бағдарламасы бойынша міндетті гигиеналық құралдармен 131 мүгедек қамтылды. Жеке көмекшінің қызметімен 34 мүгедекке 8134,0 мың теңгеге қызмет көрсетілді. Ымдау тілі маманы қызметі 10 мүгедекке 2445,0 мың теңгеге көрсетілді.

ҰОСҚМ коммуналдық қызметтерге қосымша жеңілдіктер 6 алушыларға 449,0 мың теңге төленген.

Туберкулез індетіне шалыққан 21 азаматқа 1327,4 мың теңге соммасында әлеуметтік көмек көрсетілді.

Текелі қаласының жұмыспен қамту және әлеуметтік бағдарламалар бөлімінде 3 бөлімше жұмысын атқарады: 1- мүмкіндігі шектеулі балаларға үйде әлеуметтік көмек көрсету бөлімшесі , 2- жалғыз басты қарттар мен мүгедектерге арнаулы әлеуметтік қызмет көрсету бөлімшелері.

Мүмкіндігі шектеулі балаларға үйде әлеуметтік көмек көрсету бөлімшесі 37 балаға үйде әлеуметтік көмек көрсетеді. Әлеуметтік жұмысшы аптасына әр балаға қатынап жұмыс жүргізеді. Әр әлеуметтік жұмысшыға 5-6 баладан.

Үйде арнаулы әлеуметтік қызмет көрсететін екі бөлімшелерде 17 әлеуметтік жұмысшы және екі меңгеруші істейді, 181 жалғыз басты қарттарға әлеуметтік көмек көрсетілуде.

Мүмкіндігі шектеулі балаларға үйде әлеуметтік көмек көрсету бөлімшесімен, жалғыз басты қарттар мен мүгедектерге арнаулы әлеуметтік қызмет көрсету бөлімшелерімен келесі қызмет түрі көрсетіледі: әлеуметтік – тұрмыстық, әлеуметтік – медициналық, әлеуметтік – психологиялық, әлеуметтік – педагогикалық, әлеуметтік – мәдени, әлеуметтік – экономикалық, әлеуметтік – құқықтық.