Навигация

Ақпарат

Баннеры

Негізгі » Жаңалықтар » Хабарландырулар » БЖЗҚ-да «Ашық есік күні» өтеді

Хабарландырулар

БЖЗҚ-да «Ашық есік күні» өтеді

Санат: Хабарландырулар
Уақыты: 05.06.2018
Оқылды: 18 Печать страницы
Біріңғай жинақтаушы зейнетақы қоры
«Ашық есік күніне шақырады

 

«БЖЗҚ» АҚ барша қауымды 2018 жылдың 20 маусымында 10:00 мен 17:00 аралығында Талдықорған қ. Жансүгір көшесі 149 мекен жайында өтетін «Ашық есік күніне» шақырады. Тақырыбы: «Зейнетақы жарналары. Жеке зейнетақы шотының жай-күйі туралы хабарлау әдістері».

Шараға қатысушыларға келесі зейнетақы жинақтарының түрлері туралы жан-жақты ақпарат беріледі:

  • міндетті зейнетақы жинақтары;
  • міндетті кәсіби зейнетақы жинақтары;
  • ерікті зейнетақы жинақтары туралы.

Бұған қоса, жеке зейнетақы шотыңыздың (ЖЗШ) жай-күйі туралы мәлімет алу әдістері туралы біле аласыздар:

  • пошта арқылы;
  • электрондық пошта арқылы;
  • www.enpf.kz сайтында «Жеке кабинет» ашу арқылы;
  • «e-mail–ге ЖЗШ-дан үзінді-көшірме алу» электрондық сервисі арқылы;
  • ENPF мобильді қосымшасы арқылы;
  • EGOV.KZ электрондық үкіметінің порталы арқылы.

Сонымен қатар, біздің мамандарымыз зейнетақымен қамтамасыз ету саласына қатысты сауалдарыңыз бойынша жеке кеңес беруге дайын.

enpf.kz

 

БЖЗҚ-да «Ашық есік күні» өтеді

 

2018 жылдың 20 маусымында БЖЗҚ-ның республикадағы барлық аймақтық филиалдарында биылғы жылғы екінші «Ашық есік күні» өткізілмек. Шараға барлық ниет білдірушілер қатыса алады. Тақырыбы: «Зейнетақы жарналары. Жеке зейнетақы шотының жай-күйі туралы хабарлау әдістері».

Бірыңғай жинақтаушы зейнетақы қоры халықпен зейнетақы жүйесіне қатысты кешенді сұрақтар бойынша түсіндірмелік жұмыстар жүргізуді жалғастыра бермек. Зейнетақы заңнамасына сәйкес, БЖЗҚ міндетті зейнетақы жарналарын, міндетті кәсіби зейнетақы жарналарын, ерікті зейнетақы жарналарын тартумен; зейнетақы жинақтарын төлеумен және есептеумен айналысады; салымшылар мен алушыларға олардың жеке зейнетақы шоттарының жай-күйі туралы хабарлап отырады (толығырақ www.enpf.kz сайтында).

Жеке зейнетақы шоттарының (ЖШС) жай-күйі туралы хабарлаудың 6 тәсілі бар: БЖЗҚ-ның жеке қызмет көрсету орталықтарына бару немесе сенімді өкіл жіберу арқылы; пошта байланысы немесе электрондық пошта арқылы, www.enpf.kz сайтында «Жеке кабинет» ашу арқылы немесе «e-mail-ге ЖЗШ-дан үзінді –көшірме алу» қызметі арқылы; ENPF ұялы қосымшасы арқылы, EGOV.KZ электрондық үкіметінің порталы арқылы. 2017 жылдың қорытындысы бойынша БЖЗҚ операцияларының 52 пайызы электрондық әдіспен көрсетілген. Қордың корпоративтік стратегиясына сай, бұл көрсеткішті 2021 жылы 60 пайызға жеткізу көзделіп отыр.

Ашық есік күніне келушілерге зейнетақы жарналарының түрлері мен жеке зейнетақы шоты туралы ақпарат алу әдістері түсіндіріледі. Сонымен қатар, Қор қызметкерлері шараға қатысушыларға жеке сұрақтары бойынша кеңес береді.

«Ашық есік күні» жобасы БЖЗҚ-да 2017 жылдың қаңтар айынан бастап тоқсан сайын өткізіліп келеді. Осы кезеңде шараға 19 мыңға тарта адам қатысты.

Шараға қатысуға бұқаралық ақпарат құралдарының өкілдерін шақырамыз.

Басталуы: 20 маусым 2018 жыл; сағат 10:00 мен 17:00 аралығында
Өткізілетін орны: Талдықорған қ. Жансүгір көшесі 149
БАҚ өкілдерімен байланыс: Жанталинов Айдос Торғайұлы, жұмыс телефоны 244333., ұялы телефоны 87077171036