Навигация

Ақпарат

Баннеры

Негізгі » Жаңалықтар » Жаңалықтар » МЕКТЕП ҚАБЫРҒАСЫНДА АҚША ЖИНАУҒА ТЫЙЫМ САЛЫНАДЫ

Жаңалықтар

МЕКТЕП ҚАБЫРҒАСЫНДА АҚША ЖИНАУҒА ТЫЙЫМ САЛЫНАДЫ

Санат: Жаңалықтар
Уақыты: 10.07.2018
Оқылды: 86 Печать страницы

Ұйымдастырылатын іс-шараларға қарамастан, білім беру жүйесі сыбайлас жемқорлыққа неғұрлым бейім салаларға жатады. Мұны білім беру мекемелерінің қызметкерлерімен жасалған сыбайлас жемқорлық кұқық бұзушылықтарын анықтау фактілері растайды.

Бүгінгі күні сыбайлас жемқорлыққа қарсы іс-қимылды күшейту мемлекет билігінің ең басты мақсаттарының бірі болып табылады.

Ескерте кетсек, Қазақстан Республикасының қылмыстық кодексінің 366, 367-баптарына сәйкес, мемлекеттiк функцияларды орындауға уәкiлеттiк берілген адамның не оған теңестiрiлген адамның немесе жауапты мемлекеттік ла-уазымды атқаратын адамның не лауазымды адамның, сол сияқты шет мемлекеттің немесе халықаралық ұйымның лауазымды адамының пара берушiнiң немесе оның өкiлi болған адамдардың пайдасына жасаған әрекеттері (әрекетсiздiгi) үшiн, егер мұндай әрекеттер (әрекетсiздiк) осы адамның қызметтiк өкiлеттiктеріне кiретін болса не ол лауазымдық жағдайына байланысты осындай әрекеттерге (әрекетсiздiкке) ықпал жасай алатын болса, сол сияқты жалпы қамқорлығы немесе жол берушілігі үшін өзіне немесе басқа адамдарға ақша, бағалы қағаздар, өзге мүлiк, мүлiкке құқық немесе мүлiк сипатындағы пайда түрiнде жеке өзi немесе делдал арқылы пара алуы және мемлекеттік функцияларды орындауға уәкілеттік берілген адамға не оған теңестірілген адамға немесе жауапты мемлекеттік лауазымды атқаратын адамға не лауазымды адамға, сол сияқты шет мемлекеттің немесе халықаралық ұйымның лауазымды адамына жеке өзіне немесе делдал арқылы пара беру –
мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, қылмыстық кодексте көрсетілген параның әртүрлі еселенген сомасы мөлшерінде айыппұл салуға немесе он бес жылға дейінгі мерзімге бас бостандығынан айыруға жазаланады.

Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша Департаментінің (бұдан әрі – Департамент) жанынан құрылған арнайы мониторинг тобы облыс бойынша мектеп қабырғаларында ақша жинау мәселесін қозғап, індеттен құтылуға өз үлестерін қосып келеді. Қазіргі кезде осы топ мүшелеріне ата-аналар тарапынан мектептің әртүрлі қажеттіліктеріне қаражат жинау мәселесі бойынша өтініштер жиі түсуде. Ата-аналардан түскен өтініштерді талдау нәтижесі – бірқатар жағдайларда білім беру ұйымдарының басшыларымен ҚР «Білім туралы» Заңының басты талаптары бұзылатынын көрсетті.

Оқушылар ата-аналарынан қаражат жинау кезінде еріктілік принципін бұзу – заңсыз болып табылады.

Осыған орай, 2018 жылы 22 мамырда Талдықорған қаласының №4 орта мектебінде Сыбайлас жемқорлыққа қарсы іс-қимыл (Сыбайлас жемқорлыққа қарсы қызмет) Ұлттық бюросының Алматы облысы бойынша Депар-таменті, арнайы мониторинг тобы, мектеп директорлары, бітіруші сыныптардың сынып жетекшілері және ата-аналар комитетінің қатысуымен Департамент кездесу өткізді.

 Сонымен қатар, 2018 жылы 15-18 мамыр аралығында Алматы облысының арнайы мониторинг тобының аудандарға іс-сапары кезінде ата-аналар тарапынан көптеген арыз-шағымдар түсті. Ата-аналардың басты наразылықтары мектептерде үнемі ақша жинау мә-селесімен байланысты болды. Қазіргі кезде соңғы қоңырауға және бітіру кешіне ақша жинау өзекті мәселе болып отыр. Ата-аналар тарапынан түскен иесі бүркемеленген өтініштерге сәйкес, жоғарыда аталған шараларға 25 мыңнан 100 мың аралығында қаражат жинайды екен. Мұндай қаражатты жинауға кейбір ата-аналардың шамасы келмейді.

Осы мәселені реттеу мақсатында, дәстүрлі бітіру кешін өткізуден бас тартып, оны шы-ғыны аз болатын іс-шарамен ауыстырған Алматы қаласының тәжірибесін атап өту керек. Яғни, мектеп қабырғасында тек аттестат тапсыруды салтанатты түрде өткізуге болады. Бұл ата-аналарға бітіру кешіне арналған іс-шаралар форматын өз бетінше анықтауға мүмкіндік береді және мектептерді ата-аналардан іс-шараға қосымша қаражат жинаудан босатады. Аталған тәжірибені облыс көлемінде іске асыру үшін жұмыс-тар жүргізілуде.

Сыбайлас жемқорлыққа қар-сы қызмет және Департамент бірлесе, заңнамаға сәйкес, өз құзіреттері шеңберінде білім беру саласында сыбайлас жем-қорлықтың жолын кесу және алдын алу бойынша барлық қажет-ті шараларды қабылдауды ары қарай жалғастыратын болады.

Біздің міндет – халыққа қызмет!

Ә.Ескендірова, Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша Департаменті, сыбайлас жемқорлықтың алдын алу басқармасының бас маманы